روايه ادهم وملك
=ياجماعه انتوا سكرتوا كده لي احنا متفقناش اننا نئذيها
-ملكش انت دعوه، هي تيجي وسيبها لينا،
" مازن للحظه حس انه ندل ومش راجل ازاي هيعمل كده ف بنت بتحبه بجد، خرج بسرعه من البيت لقي موبيله بيرن وكانت شمس
*ايوه يا مازن انا قربت اوصل
-خليكي عندك يا شمس متجيش انتي فين
قربت اوصل البيت
" خرج بسرعه وقابلها بالعربيه وركبها وخدها وبعد عن البيت "
-الله يخربيتك ياشمس اتاخرتي لي
"ملك بتبص ع الساعه لقتها عدت ساعه الاربع ولسه شمس مرجعتش وبترن عليها غير متاح، بعتتلها رساله
" انتي يا زفته انتي مرجعتيش لي ابيه سال عليكي مرتين وانا اقوله ف الحمام جايه، انا جيالك قولي لصحابك بقي عشان متحرجش "
"بعتتلها ملك الرساله واتحركت بسرعه للعنوان بتاع مازن..قعدت تبص ع البيوت ومش عارفه توصل ف الاخر قررت تسال حد من المنطقه رنت جرس بيت من البيوت خرج شاب ف نفس سن ملك..
-ملك !!!
=عمرو !!
فلاش باك
-عمرو صديق ملك من اول ما راحت المدرسه وكان بيساعدها ف حاجات كتير وبيعتبرها زي اخته وملك بتحكيله كل حاجه وهي شايفاه اخوها..هو مصري مقيم ف لبنان وتقريبا عارف كل حاجه عن ملك "
بااك
-ملك!!
=عمرو!!
-اي الل جابك هنا ف الوقت ده في اي
"حكتله ملك علي كل حاجه "
=ايوه اعرفه ده بيته قريب استني هاجي اوصلك
*يعني اي يا مازن، انت كنت جايبني لصحابك عشااان، طب لي لييي انا حبيتك لي تعمل فيا كده، هو انا ازيتك ي مازن
-انا اسف ي شمس انا معرفتش عملت كده ازاي بس انا بحبك يا شمس والله
"قطع كلامه صوت وصول رساله لشمس فتحت شمس الرساله وصوتت
*ملك الحق ملك يا مازن رايحه البيت عندك
-ركبوا بسرعه العربيه وهما ف
-ركبوا بسرعه العربيه وهما ف العربيه موبيل شمس رن وكان ادهم ردت عليه
*ايوه يا ابيه الحقني
=في اي ياشمس وانتي فين انتي وملك دورت عليكم مش موجودين بتعيطي لي اهدي
" حكت شمس كل حاجه بعياط لادهم وهو اتصدم واخد منها العنوان وجري ع البيت ساب رزان وجري وده عصبها جدًا
"مشي عمرو مع ملك لحد البيت وقف هو برا وهي خبطت ع الباب فتح ولد شكله مش مظبوط بيبص لملك من فوق لتحت
-هو ده بيت مازن
=ايوه هو ادخلي
-طب ممكن تناديلي شمس
=هي موجوده جوه ادخلي ليها
"دخلت ملك واول مَ دخلت قفل الولد عليها من جوه "
-هي فين شمس
=شمس مش هنا بس انتي هتسدي مكانها عادي وبيقرب منها
-ملك فهمت وصوتت وفضلت تجري وترميه بالحاجات الل حوليها ف الاخر طلعت فوق طربيزه ومسكت فازه وموجهاها بتحمي بيها نفسها
"ملك واقفه ع طربيزه مدوره وماسكه فازه ف ايديها وخايفه اووي وبتتلفت حولين نفسها برعب، اي حد بيحاول يقرب من الطربيزه كانت بتضربه يقع ع الارض وهي بتصوت "
*انزلي يا حلوة مش هتعرفي تفضلي كده كتير، متتعبيش نفسك
-الِ هيقرب مني هموته
"الكل كان بيضحك عليها، واحد حاول يطلع من وراها لفت بسرعه وزقته وقع من ع الطربيزه، فضلت تصوت
=بسرعه يا مازن سوق بسرعه، يارب يارب خليك معاها، انا السبب لو حصلها حاجه مش هسامحك ولا هسامح نفسي
*انا اسف ي شمس
=مش وقته بسرعه
" عمرو كان واقف بره واول مسمع صوت ملك بتصوت، قرب من الباب وسمعها،وعرف انها فِ خطر حاول يكسر الباب كتير لاكن معرفش فضل يزق فيه برجله ودراعه جامد، رجع لورا خالص وانطلق باخر قوته ووقع علي الارض، ووقع ع الارض، ف اللحظه الل هو بيقع فيها ع الارض كان ادهم وصل للعنوان وشاف عمرو وهو بيحاول يكسر الباب وهو بيقع
_ادهم يعرف عمرو من كلام ملك عليه الكتير وعارف انه بيساعد ملك، وشافه مره وهو بيوصلها من المدرسه وكان مضايق جدًا "
-فين ملك يا عمرو انطق
=جوه بتصوت الحقها
"جري ادهم باقصي سرعه ورزع الباب برجله فتحه دخل لقي ملك واقفه ع طربيزه،وولد واقع ع الارض والباقي واقفين حوليها، جري ادهم علي ملك، ضرب الولاد الِ واقفين وشالها ونزلها ع الارض "
-ادهم بيمسح دموعها..ملك انتي كويسه، حصلك حاجه.
"ملك بترتعش من الخوف وبتعيط،
=لا يا ابيه محصليش حاجه وبتعيط
-خلاص متعيطيش ي حبيبتي انا معاكي متخافيش
" ف اللحظه دي دخل مازن وشمس وعمرو "
*ملك انا اسفه.
-انتي تخرسي خالص كل ده بسببك، انتي تعرفي كان ممكن يحصلها اي لو اتاخرت شويه،حسابك بعدين مش دلوقتي، بص لمازن بحده وانت صاحب شويه الصيع دول، ضربه بونيه واخد ملك وشمس وركبوا العربيه ومشيوا،
=عمرو واقف لسه عند مازن، بصله بقرف، تستاهل انت بني ادم حقير، واخد بعضه ومشي،
