رواية منتقبة غيرتني (جميع الفصول كاملة) بقلم الكاتبة وردة الامل
سليم: ماشي يا ابو الصحاب ربنا يتمملك علي خير
سبحان الله وبحمده سبحان الله العظيم
عند ادم
_ الو السلام ورحمه وبركاته
= وعليكم السلام ورحمه الله وبركاته......مين معايا
ادم: أنا ادم يا عمي صاحب سليم جوز شهد صاحبة بنت حضرتك
ابو روان: اه اهلا وسهلا يا بني اؤمرني محتاج حاجه
ادم: الأمر لله وحده يا عمي بس كنت عايز اخد ميعاد من حضرتك عايز اشرب معاك شاي
ابو روان: تنورني يا بني......... ممكن يوم الخميس تشرفنا
ادم: تمام يا عمي..سلام
ابو روان: سلام
______________ عند سليم وشهد
شهد: سليم يلا عشان نصلي
سليم: شهد مش عايز اصلي أنا ومتقوليليش تاني
شهد: اممم احنا اتفقنا اني هاخدك معايا للجنه حتي لو غصب عنك ويلا قوم صلي.......... طب بص لو صليت معايا هعملك صنية مكرونه بالبشاميل وجلاش اللي انت بتحبهم
سليم باستغراب: وانتي عرفتي منين اني بحب دول
شهد بتوتر: ها لا ابدا وووو.
سليم بضحك: اي خلاص خلاص اي ده كلو مكنش سؤال ده
شهد سرحا في ضحكته وغمزاته وشعره اللي ناعم ونازل علي عيونه بطريقه عشوائيه وعيونه الخضر الجمال دول
(احم متسرحوش خليكم هنا معايا 😂😂😂هي اللي سرحت مش احنا 😂)نكمل
سليم بغمزه وبهمس: مكنتش اعرف اني قمر كده
شهد فاقت وباحراج وكسوف: أنا رايحه اتوضي والبس
سليم بضحك: علفكرا أنا جوزك عادي يعني 😂
وف سره والله وشكلك وقعتيني فيكي من تاني يوم جواز...طب والله ما كنت اعرف ان الجواز حلو كده 😂😂
بعد ما صلوا شهد دخلت تعمل الاكل وكده يعني
سليم: يوووه هي كل شويه تتصل ليه دي...طب أنا مش عايز ارد اعمل اي بقا
شهد: سليم حبيبي ممكن تديني الفون بتاعك دقيقه
سليم: عايزه منه أي
شهد: هاته بس
سليم بتوتر: امممم.....بس يعني هووو
شهد: عارفه أن ميرا بترن عليك يلا هاته بقا
سليم بصدم#مه: انتي يعني عرفتي منين
شهد: يعم يلا انت لسه هتنح هاته بقا... واخدته منه وربنا علي ميرا
_ الو اي يا قلبي هي البتاعه دي اخدتك مني وشغلتك عني
