رواية العرافة (كاملة)

فينا بس متنسوش بقي تعزموني علي الفرح
رد عليه عمرأكيد طبعا.
طيب بعد إذنكم وحمد الله علي سلامتك مره تانيه.
متشكره.
خرج الدكتور وعمر رجع قعد جمبي تاني.
عمر هو ايه اللي حصل 
أنت مش فاكره حاجه 
سكت شويه وحاولت افتكر آخر حاجه حصلت لكن للأسف مفتكرتش أي حاجه رديت عليه وقلتلوا
مش فاكره حاجه 
أنت عملتي حاډثه وډخلتي في غيبوبه بقالك أسبوعين.
طب ايه اللي حصل وأنا عملت الحاډثه دي أزاي طب ماما وأختي فين حد فيهم كان معايا هما كويسين 
اهدي يا أشرقت طنط وسلمي بخير الحمد لله أنا كلمتهم وكلهم جايين دلوقتي.
طيب فهمني ايه اللي حصل
أنت كلمتيني يوم رجوعك من اسكندرية وكنتي مڼهاره وبتعيطي جامد أنا مفهمتش وقتها في أيه بس كل اللي قدرت اعملوا اني اهديكي وفي وسط كلامك قولتي أنك خاېفه بس ملحقتش أعرف من ايه لأن وقتها سمعت صوت عربيه وصوت صرختك وبعدها الخط اتقطع كنت زي المچنون مش عارف أوصلك ولا عارف ايه اللي حصل كلمتك كتير
وكان تليفونك مقفول لحد أما كلموني من المستشفي جبت مامتك وأختك وجينا علي هنا وده كل اللي حصل مع كل كلمه كان بيقولها كانت الأحداث بتمر قدامي وافتكرت وقتها كل حاجه حصلت يوم الحاډثه من أول ما صحيت لحد المكالمه وصوتها رجع تاني يتردد في ودني كنت عايزة احكي اللي حصل بس معرفش ايه اللي وقفني وفي وسط افكاري لقيت ماما وسلمي وعموا سالم دخلوا يطمنوا عليا ماما فضلت حضناني مده وهي بټعيط مكنتش عارفه تتكلم خلت كل الموجودين يعيطوا معاها حتي انا كمان.
خلاص يا ماما والله انا بخير وكويسه.
مكنتش مصدقه اني مش هشوفك تاني ألف حمد وشكر ليك يارب.
عمي سالم اتكلم وقالي
حمد لله علي سلامتك يا بنتي.
الله يسلمك يا عمي.
خلاص يا جماعه أنتوا قلبتوها دراما ليه كده وبعدين كلكوا سلمتوا عليها إلا أنا وأنا يعني مليش نفس زيكوا ولا انا بنت البطه السوده.
انتي مش هتبطلي لماضه بقي يابت انتي.
بقي كده يا ماما طب اوعي بقي كده لو سمحت حضنتني وقالت وحشتيني قوي يا شوشي البيت وحش قوي من غيرك مكنتش عارفه اني بحبك قوي كده ربنا يخليكي ليا.
ويخليكي ليا يا حبيبتي.
أشرقت في ظابط مستني بره عايز ياخد اقوالك بخصوص الحاډثه بس لو مش قادره دلوقتي انا ممكن اعتذر منه.
لا يا عمر انا كويسه.
تمام هروح انده عليه خرج عمر ودخل هو والظابط
السلام عليكم.
وعليكم السلام.
حمد لله على سلامه حضرتك.
الله يسلمك متشكره.
أنا مش هاخد من وقتك كتير أنا عارف انك لسه في فتره نقاهه هسألك بس كام سؤال كده بخصوص الحاډثه علشان نقفل المحضر بس بعد إذنكم يا جماعه أنا عايز اتكلم معاها علي انفراد.
طب ممكن عمر يفضل.
بص لعمر وبصلي وقال
مفيش مشكله.
وبعد ما خلص الظابط وخرج عمر قاليأنت ليه اترددتي وانتي بتقولي انك مش بتتهمي حد بالحاډثه زي ما يكون في حاجه مش عايزة تقوليها.
أشرقت هو في حاجه.
هيكون في ايه بس يا عمر.
معرفش أنا اللي بسألك.
لا مفيش حاجه.
طيب أنا همشي دلوقتي وهسيبك ترتاحي.
خرج عمر وفضلت أفكر في كل اللي حصل من يوم الحاډثه لحد دلوقتي للأسف مش لاقيه اي تفسير نمت من كتر التعب وصحيت تاني يوم لقيت.
الجزء الرابع
صحيت تاني يوم لقيت عمر قدامي بيقولي
صباح الخير.
صباح النور.
عامله ايه انهارده 
الحمد لله أحسن كتير.
فضل باصص عليا من غير ما يتكلم وكانت علي وشه أروع ابتسامه.
ايه بتبصلي كده ليه!
مش عارف يمكن بملي عيني منك تعرفي أنا كنت دايما بقول اني بحبك بس اللي حصل ده خلاني اتأكد اني عديت مرحله الحب بكتير أنا كنت بمت في اليوم ألف مره من غيرك.
رديت عليه بخضه معرفش ليه افتكرت اللي حصل.
بعد الشړ عنك متقولش كده تاني.
الله خاېفه عليا.
أكيد يعني أنا لو مش هخاف عليك هخاف علي مين.
الله ده حب بقي
في الوقت ده دخلت سلمي
الله عمر انت هنا.
حسبي الله ونعم الوكيل.
بتحسبن علي مين كده.
علي حد في بالي أنا خارج.
ههههههههههههههه.
ايه ده هو في ايه وانتي بتضحكي علي ايه.
عارفه يا سلمي لما تكوني بتتفرجي علي فيلم حلو وفجأة تلاقي فاصل ونعود.
اه.
ده مش الفاصل يا حبيبتي ده