رواية "في الخامسه وربع صباحآً"

فتحت الواتساب لقيت رسايل من اللي كانت خطيبته وهي بتترجاه يرجع مفتحتهاش لقيت مسدجات كتير بس مهمتش رجعت خرجت من الواتساب ودخلت على الجاليري ولقيت صوري انا وهو لسه معاه ولقيت صور ليه هو والبنت اللي كانت خطيبته مهمتمش برضة وخرجت وكنت هسيب الفون وامشي بس فكرت اخليه معايا ممكن احتاج منو رقم او حاجه تفيديني في خططي

خدت الاوراق والموبيل في شنطتي ونزلت خدت تاكسي ل مكان المستشفى وبعد نص ساعه كنت وصلت دخلت اوضته كان صاحي اول ما شافني ابتسم وقال:

_كنت فاكرك مش جايه انهارده

_حقك عليا بس حصلتلي شوية ظروف كدا اخرتني عليك شويه

_المهم انك بخير

_طب اي كلت وخدت علاجك؟

_اه

قعدت جنبه وفضلنا نتكلم والكلام جاب بعضه في موضوع المحل بتاعه حاولت افهم تفاصيل اكتر وعرفت انه المحل لو جاب نسبه عاليه هيكون مشارك في معرض الوحات دخلت في تفاصيل اكتر الوان المحل والديزين وغيرو وغيرو وخدت منو كل المعلومات اللي عايزها

وكان يومي خلص معاه وكان لازم امشي مشيت وفضلت اكتب في الملاحظات بتاعتي كل حاجه هحتاجها وكلمت سلمى تساعدني عشان سلمى قسم هندسه ديكور وهتفهم اكتر مني في كلام يوسف وبعد ما أتفقنا انا وهي اننا هنبتدي شغل من بكرا حاولت انام بس معرفتش طلعت موبيل يوسف وفتحتو دخلت على شات البنت اللي كانت خطيبته

انا عارفه انه عيب وغلط بس عندي فضول اشوف لو بس مره من المرات قالها بحبك!

فتحت الشات اللي كان عباره عن انا نازله ويرد يقولها تمام تقولو انا طلعت يرد يقولها تمام مكنش فيه اي كلام تاني غير كدا في الشات كله

عملت في سيرش الواتساب عن اسمي وظهرلي ان اسمي كان مكتوب في مسدجات بينو وبين البنت دي دخلت اشوف كان بيتكلمو عني ب اي

ولقيتها بعتالو بتقولو ان صورتي اللي على الولبيبر عنده مدايقها وكان رد عليها وقايلها انتي عارفه اني لسه بحبها ونتي قبلتي اني اكون معاكي ونا قلبي مع واحده تانيه يبقا متتكلميش دلوقتي

ابتسمت وعملت سيرش عن الاسم اللي كان مسجلني بيه كان مسجلني"لا امــــلــكـ سـواهـــا"

لقيت الاسم زاي ماهو ابتسمت ودخلت على شاتي انا وهو وفضلت اقراء في كلامنا زمان كان شات كله حب وحنيه وتعبير عن خوفنا واهتمامنا لبعض

كنت كل حاجه بعملها لازم اصورها ليه لقيت صور سمبوسه ولقيت صورة حلة الرز اللي حرقتها لقيت صوري اللي كنت بتصورها واخد رأيه فيها وصور درجات الروج

كل حاجه هو محتفط بيها الذكريات دي رجعت لقلبي الحياه من تاني

نمت ونا مبسوطه وصحيت ٧ الصبح وطبعآ عملت خناقه مع ماما لاكن في الاخر نزلت كانت سلمى مستنيني تحت البيت خدتها واتجهنا للمحل بتاع يوسف حاولت افتحو ب المفتياح اللي كانت معايا وبعد ما جربت اكتر من عشر مفاتيح اخيرآ فتح