ظبوطة قلبي

ابن ام مالك .
ايدا !!! .. صباح الخير يا آنسة وصال .
كنت واقفة في محل الورد بتاعي الصغنون .. بسقي الورد بتاعي و مشغلة ام كلثوم و حاجة اخر روقان .. ما النهاردة الجمعة .. لقيت استاذ جريء جه .. قصدي مالك .. هي شكلها ناموسية كحلي ان شاء الله .
بجفاء_صباح النور .
مالك يا آنسة وصال .. انتي لسه تعبانة ولا حاجة 
ما تلعبشي معايا .. انا ماسكة نفسي عنك بالعافية والله .
_انا كويسة .
انتي متاكدة 
ده انت مصمم بقى .
بعصبية_انت ازاي يا استاذ تسمح لنفسك تعمل الي انت عملته امبارح ده 
هو انا عملت ايه امبارح 

اتوترت _ عملت حاجة غلط و خلاص .. ازاي تسمح لنفسك تعمل كده اصلا .
شكله افتكر لما ابتسم الابتسامة دي المشمحترم لا بس انا مصمم اعرف انا عملت ايه امبارح بصراحة .
اتنهدت و هديت شويه _ استاذ مالك انت عارف ان الي عملته ده غلط لانك غريب عني و ما تقربليش حاجة كمان 
انا اسف يا ستي حقك على قلبي .
_لا عادي مفي.. انت قلت ايه 
ايه !
وصاااال.
_نعم يا ماما .
تعالي نضفي معايا البيت .
_البيت الي نضفته من يومين انضفه تاني 
يا بنتي في ضيوف جايين يلا اتحركي .
ضيوف ! .. هو احنا في حد بيزورنا غير مرام اصلا .. وبعدين انا ليه حساها منشكحة كده .. شكله عتريس .. يلا اهو مرفوض من قبل ما يشرف .
بس كدة .. يلا بقى روح البسي طقم حلو .
مش قلتلكوا عتريس يا جماعة و انتوا ما صدقتونيش !.. انا اشيل البلاط و انضف تحتيه عشان واحد هيترفض !!! .. انا على كده مش هيبقى فيا صحة خالص من كتر العرسان الي هييجوا .. اه والله زمبقولك كده .
_طب و انا هعمل ايه مع الضيوف دول يا ماما .. انا بقول اقعد في اوضتي احسن والله .
يا بنتي هما جايين عشانك .
ادخلي يا وصال سلمي على الضيوف .
لا يا جماعة مش زي ما توقعنا .. لقيت واحدة ست كبيرة في السن و بشوشة .. ما طلعشي عتريس الحمد لله .
اعرفك يا وصال .. دي مدام نبيلة .. كنا زمايل في الشغل .
_تشرفت بحضرتك يا طنط .
الشرف هيكون ليا يا حبيبتي .. ربنا يحميكي .
يا جماعة هي الجملة تبان عادي بس كان ممكن تكون الشرف ليا عادي .. لكنها قالت الشرف هيكون ليا !!!
ما علينا .. المهم قاعدة كانت لطيفة .. كانت مزيج بين الذكريات و الشكوى .. قعدة ستات كلها نم و شكوى وضحك و تريقة و حاجة ما يعلم بيها الا ربنا .. عادي متعودين .
كنت رايحة النهاردة مدرسة عبد الرحمن عشان اجيبه من المدرسة عشان خلصت شغلي بدري .. بدور عليه مش لقياه .. و مرام ما جتشي معايا .. هعدي الطريق ازاي انا دلوقتي .. والله اعيط .
قعدت حوالي نص ساعة بدور عليه بعيني .. مش لقياه ! .. و بالفعل قعدت اعيط انا ما بهددش من فراغ يا جماعة .. و الواد التاني هيتفحم من الشمس .. اعمل ايه يا رب اعمل ايه بس !
انتي بټعيطي !!
و كان صوتك نجاة فعلا يا ولا !
هو انا لو حضنته دلوقتي هيجرى حاجة .. والنعمة ما هيجرى حاجة يا جماعة .
بشحتفة_ان.. انت ك.. كنت فين 
النهاردة كانت الاجازة بتاعتي .
_طب و ايه الي جابك طالما هي اجازتك النهاردة !
بعدين اقولك .
استغربت رده .. ايوه بعدين ده امتى يعني .. و استغربت اكتر لما طلع المنديل الي ادتهوله اول لقاء بينا من غير ما اقوله على سبب اني بعيط !! .. بس ابتسمت لما افتكرت اللقاء .
اخبار طنط نبيلة ايه 
_طنط نبيلة دي حتة سكرة كدة .. ست ما شوفتش في جمال.. ثانية واحدة انت تعرف طنط نبيلة منين !!!!
هتعرفي بعدين .
يادي بعدين و سنينها .. ايوه بردو بعدين ده امتى .. يا رب محدش هيجيبلي جلطة الي هو 
صاحية النهاردة ماما بتقولي ان طنط نبيلة جاية .. هو انتي صاحبة ماما على عيني
وعلى راسي بس مش كل اسبوع يا طنط بردو .!
سبتهم يتكلموا شويه في الصالون و دخلت البلكونة .. بيقولوا في ضيف جاي تاني .. بس ما اهتمتش هو مين .. عملت لنفسي فنجان قهوة .. واقفه بغني مقطع لأم كلثوم بيقول يا قمر ليلي .. يا ظل نهاري .. يا حبي .. يا ايامي الهنية 
عندي لك اجمل هدية .. كلمة .. كلمة .. كلمة الحب الي بيها تملك الدنيا و ما فيها .. الي تفتح لك كنوز الدنيا ديا قولها ليا.
لقيت صوت بيقاطعني .. صوتي رجولي بدأت اعشقه مش احبه بس .. صوت بيحسسني بالدفا .. مالك .
_انت ازاي جيت هنا .
بالعربية .
_انا قصدي عرفت مكان بيتي منين 
من حماتك نبيلة .
_ ايوه و انت تعرفها من.. انت قلت ايه !!
ايه !
_بالله ما تقول ان..
ايوه هو ده بالظبط.
_هو ايه الي هو ده 
هو بحبك .
_اه.. اييهههه!!!
ضحكيادي النيلة .. هنقضي اليوم في ايه و استغراب 
بحاول استوعب_بص .. بص قول انت عايز ايه عشان دماغي بدأت تشتمنا كلنا والله دلوقتي .
يعني انتي عايزه الخلاصة 
_بالظبط
نزل على ركبته و طلع علبة قطيفة.. لا ما تقولش
بحبك يا اجمل صدفة حصلتلي .. من ساعة ما شوفتك و انا كياني اتقلب .. بقيت بسمح لقلبي يقول رأيه و يحركني .. يوم ما كنتي بټعيطي انا ما كنتش في الشارع .. انا كنت في البيت بس ده شاور على قلبه قالي انك في ازمة .. تتجوزيني 
جماعة انا اكاد من فرط الجمال اذووووووووووب
_هتعديني الطريق دايما
من غير منديل و ايدي محاوطة ايدك .
_هتقف في صفي قصاد عبد الرحمن .
ضحك جامد واقف في صفك علطول حتى لو غلطانه بس هنتناقش في الغلط بينا و بين بعض .
_ يا ولا
ضحك ضحكة قمر زيه يا الي وقعتي الولا على جدور رقبته و محدش سمى عليه .
كان حبك اجمل صدفة