أغلبنا اتربينا غلط نسبه قليله
انت في الصفحة 2 من صفحتين
السيارة هناك ! الحقيقة أنى حزين لأنك كذبت على ومن الواضح أنى فشلت أن أغرس فيك الثقة والشجاعة لتقول لى الحقيقة بلا خوف ويجب أن أكفر عن تقصيرى هذا حالا .. طبعا آرون واقف مبلول جنب أبوه ومرتبك ومنتظر يسمع قراره .. الأب كمل كلامه سأعود إلى المنزل سيرا على الأقدام .. آرون أتصدم من رد أبوه إزاى هيرجع المسافة دى كلها ع رجله وهو راجل كبير ف السن ! .. وبعدين هو العقاپ المفروض يكون ليه هو ولا ل أبوه ! .. حاول يمنعه بس الأب صمم وبدون ولا كلمة أتحرك ف طريق البيت مشى ! .. الولد يحاول يمسك إيد أبوه لكن أبوه ينطر إيده ويقول وهو مكمل مشى إنه ليس خطأك بل خطئى أنا وسأكفر عن هذا الخطأ الآن .. آرون بيقول ف الكتاب لم أستطيع السير برفقة والدى لأن على أن أعود بالسيارة و فى نفس الوقت لا يمكننى أن أنطلق بها وأتركه .. الحل كان إنه يفضل ماشى ورا أبوه بالعربية بالراحة جدا .. الولد كان بيتعذب وبيتقطع هو شايف أبوه قدامه ماشى بصعوبة .. فضل الأب ماشى قد إيه على رجله وإبنه وراه بالعربية .. 5 ساعات ونصف ! .. مسافة طويلة ل راجل عجوز .. طريق ضلمة .. أرض ريفية غير ممهدة .. أخيرا وصلوا البيت .. لقى أمه منتظراهم ع الباب وقلقانة عليهم وبمجرد ما الأب دخل البيت مقالش ولا كلمة من اللى حصلت بينهم .. خلع جزمته .. طلب من الأم طشت كبير فيه ميه دافية عشان يحط رجله اللى أتشققت فيه .. منظر رجل الأب كانوا مؤلم جدا للإبن اللى كان عارف بينه وبين نفسه إن هو السبب .. آرون بيقول مر على الموقف ده 50 سنة تقريبا ولسه فاكره .. بيقول كمان إن لو أبوه كان عاقبه كان هيحس بالذل ويمكن بالعند والعصيان ويكرر غلطته تانى .. لكن عقاپ أبوه له كان إنه خلاه يحس بالذنب طول عمره ومن وقتها ولحد ما بقى هو كمان أب بقى فاهم إن الصح ف علاقة الأهل مع ولادهم الصحوبية
اللى ماكنش ليهم نصيب ف دفا الأسرة اللى بيحلموا بيها .. قسۏة بقى أو عڼف أو قلة إهتمام .. مش مهم المهم إن عندك فرصة ماتعملش ده مع ولادك لما تخلف وتعوضهم باللى محصلش معاك .. مساحة حرية تحت النظر بتضمن وجودهم للأبد تحت جناحك وقبل وجودهم بتضمن حبهم .. واحد صاحب أبويا الله يرحمه ورغم إنه كان عايش ف مجتمع صعيدى منغلق بعض الشىء كان بيقول أنا ب ربى إبنى بطريقة اليويو بديله حريته و بزقه وهو اللى بيرجع بنفسه ولوحده .. أنت لما بتربى مش بتربى ولادك بس لكن وولادهم كمان ومفيش تربية بتتنسى .. لامونيه بيقول ما ندرسه في أحضان أمهاتنا لا يمحى أبدا
