رواية رحاب يسرى
انتي مسخره والله يا جودي
اي دا فين مايكل
قال انه تعبان فروح وهيجي باليل
لقيت في الوقت دا ملامح اسلام اتغيرت والصراحه معرفتش افهمها
اسلام انا برن على ياسين مبيردش
اه دا قال انه جعان اوي فنزل يجيب لينا اكل
انا اتأخرت اوي ولزم اروح
ليه يا رغد ما تخليكي شويه
معلش يا جودي الوقت اتأخر وماما هتزعقلي
اسلام قولها حاجه
اقعدي يا بنتي دا ياسين راح يجيب اكل
عندنا اكل في البيت متشكرين
ضحكوا رني عليا اول ما توصلي.. اياااااكي تنسي
ماشي ياخويا
اخوكي في عينك.. دا انا اخف بس وهروح اتقدملك
روحي يا رغد ربنا يهديكي يا ماما
عرفه يا رغد ايه اللي هيحصل.. هو هيتكوم علي جنب و العصابه تقعد ټضرب فيه
ضحكت انا وجودي اخرسي يا حيوانه انتي وهي
يلا انا ماشيه سلام
نزلت وكانت الدنيا ظلمه اوي في الشارع وكان فيه كام واحد بس هما اللس ماشين وكلب نايم علي الرصيف.. وقفت استني تاكسي عشان اركبه وامشي.. حسيت فجأه ان في حد ورايا لسه هلف ليقته حط قماشه علي وشي خلل كام ثانيه مكنتش حسه بأي حاجه حواليا.
لقيته بيتفتح و بيدخل منه واحد
مساء الخير
پصدمه ياسين هو في ايه.. مين الۏحش ومين الكويس انا مبقتش فهمه حاجه
طب اهدي كده وخدي كلمي اسلام
اسلام!!
خدت الفون منه.. وسمعت صوت الۏحش
الو
مش قولتلك يابت رني عليا لما تروحي
لقيت نفسي عيطت فجأه يا اسلام انا تعبت ومبقتش فهمه حاجه
اهدي يا حبيبتي انا اللي خليت ياسين يعمل كده عشان احميكي من مايكل
ايه.. ازاي.. عرفتي منين يعني
لما ھجم عليا في العربيه عضيته من ايده وكان مرسوم عليها جيتار ولما شوفته في المستشفى لقيت مرسوم عليها الجيتار و باين فيها اثار العضه بتاعتي
طيب يا حبيبتي خليكي هنا ومتخفيش انا هاجي قريب
اسلام هي ماما كويسه
اه يا حبيبتي اطمني.. اديني ياسين
اديت الفوه لياسين وخرج برا وبعد شويه دخل ومعاه اكل وحطه علي ارض
يلا ناكل عشان الليله شكلها هطول
كنت خاېفه اقعد معاه رغد اقعدي مش هعملك حاجه يعني وإسلام باشا بيراقبنا
صح يا ياسين انت تعرف علي اسلام ازاي
هتفطسي منك الضحك لما تعرفي
قول قول
اسلام لما دخل كليه عندنا كان رفيع مش جته زي مانتي شايفه كده.. المهم كان رفيع وشعره طويل وخجول اوي
اه كان بيطول شعره وهو صغير وكان خجول برضو كان عامل زي البطه البلدي
ضحك ياسين اه والله.. وانا كنت اكبر منه بسنه فمكنتش اعرفه خالص المهم كان ماشي مره قدامي وانا افتكرته بنت
انا عند اللحظه دي شرقت وقعدت اكح اد كده
يخربيتك بت
اه ياختي ومشيت اعكسه وهو طلع يجري
قعدت اضحك وانا بتخيل اسلام كده
بعدها بكام شهر بقي مشهور عندنا في الكليه عشان ذكي وقوي .. كان حلق شعره و ربي عضلات
وبقي الۏحش
وحش هيزعل اوي لما يسمعك بتقولي كده.. المهم اتصحبت عليه وكنت بحكي الموقف دا قدامه وهو اټصدم لما عرف انه انا وانا كمان اټصدمت من التحول اللي حصل.. ومن سعتها واحنا اصحاب اوي
الله قصه صدقتكو مضحكه اوي اومال اتعرفتو علي مايكل فين
اتعرفنا عليه في الصاله البولينج اللي كنت بروحها انا و اسلام
بطل هزار انا بتكلم جد
والله ما بهزر
يعني ايه مايكل مش ظابط
لقيته ضحك جامد مايكل ظابط والله ضحكتيني.. مايكل و جودي كانو بيشتغلو في صاله البولينج بصي هي مش صاله بولينج اوي هي تعتبر بار.. جودي ومايكل كانو بيشتغلو جرسون فيه و اتعرفنا عليهم من هنا
ازاي مايكل قالي ان انت وهو ظباط وانت پتكره اسلام عشان اترقى وبقي رائد و هيبقي قريب مقدم وانت لسه ظابط
اي هبل دا انا هغير من اخويا دا انا فرحله مش اكره
والله هو قالي كده
هو كلمك امته
في نفس اليوم اللي اسلام حبسني فيه
امممم يبقي شك الۏحش طلع في محله.. مايكل عايز يضغط علينا من ناحيتك وېضمك ليه
وفجأه لقيته اټصدم يبقي هيخلص من جودي
وقف وخرج سلاح من جيبه اسمعي اسلام قرب يجي خلي دا معاكي انا لزم امشي حالا
لالالا انا هاجي معاك وكلم إسلام وقله يجيلنا علي بيتها.. انت متعرفش ايه اللي مستنيك هناك
مينفعش اسلام هيقتلني لو حصلك حاجه
متخفش بس خدني معاك.. انا هخاف اقعد لوحدي
خرجت انا وياسين من البيت واحنا بنجري.. ياسين كان عمال يرن علي اسلام.. بس اسلام مكنش بيرد خالص
رد يا اسلام هو دا وقته
ركبنا عربيه ياسين و ساقها بسرعه كبيره لبيت جودي.. وقف العربيه بعيد عن بيتها بشويه ونزلنا
خليكي ورايا ماشي
ماشي
مشي هو قدامي وانا وراه
