رواية امامي ومنقذي بقلم ايه محمد كاملة شيقة جدا

ليه كل يوم بحال! 
عاوزاه ولا لا!! 
طيب طيب أنا هفكر بهدوء ليه حمزة متمسك بيا هو مبيحبنيش.. 
ولا عشان هو راجل قد وعده وكلمته.. 
طب لو محبنيش! مهو مختارنيش بنفسه كان مجبور عليا.. 
مش يمكن يحبني و أنا أحبه ونعيش عادي زي أي إتنين!! 
ولو دا محصلش! 
ولو قربت منه وأنا حبيته وهو لا! هيسيبني!! 
ولو هو حبني وأنا لا هكسر قلبه!! 
طب أنا ليه بفكر فيه كتير هو قالي هيطلقني وهيعمل اللي أنا عاوزاه يعني هيبعد عني أكيد حنزة مبيجمعوش علاقه مع أي واحده طالما مفيش بينهم صله.. هو متدين وقريب من ربنا وأنا يدوب بصوم وبصلي.. 

بغلط كتير أوي علي عكسه هو مش ملاك ولا أنا شيطان بس كل واحد فينا في مكان غير التاني..
يعني إيه!! أنا عاوزاه بس مش مناسبه ليه! يعني إنا عاوزاه لو بعد عني هزعل ولا لا..
بصت لنفسها أكتر وسألت...
حبيبة ردي يا حبيبة علي السؤال اللي قلبك بيسأله! لو حمزة بعد لو مبقاش جوزك ولا بقي ليكي حق فيه! حمزة حتي لو بېموت عليا و اتطلقنا هيبعد عني.. أنا عاوزاه.. 
بغير عليه من داليا مبطيقش تجيب سيرته علي لسانها مش عاوزاه يسيبني يعني مش عاوزاه يطلقني بس في نفس الوقت مش عاوزاه يقرب...
دا يبقي إسمه إيه!!!
داليا يبقي إسمه حب يا هبله..
حبيبة بطلي يا داليا شغل الروايات دا بعد كل اللي حكيته!
داليا أنتي عارفه إيه مشكلتك الصغير و إيه مشكلتك الكبيرة!!
حبيبة إيه!!
داليا الصغيرة أنك معندكيش ثقة في نفسك معندكيش ثقة أنك تقدري تتخطي الصعب معاه عشتان خاطر راحة قلبك اللي متلهف عليه دا وعشان خاطر راحة بالك اللي مش بيوقف تفكير فيه.. والمشكله الكبيرة بقي أنك مش مدركه أنك فاقده للثقه دي بل بالعكس أنتي شايفه نفسك بنت قوية.. 
يا حبيبة الصوت العالي الڠضب وحتي التمرد مش قوة.. 
أنتي متمرده بس ضعيفه.. مش الضعف اللي يخليكي محتاجه حد يسندك لا مش دا أنتي بس متقدريش تكوني لوحدك متقدريش تكوني مسئوله عن نفسك لازم تبقي مسئوله من حد.. 
من باباكي أو من حمزة.. 
أنتي أتأخرتي في إدراك حبك وإحتياجك لأبوكي أوعي تتأخري في حبك وإحتياجك لحمزة.. هو معزوم بكرا عندنا علفكرا..
حبيبة بكرا!!
داليا أيوا فكري وخدي قرارك..
رجعت لأوضتها وفضلت تايهه في دوامة الاسئلة لحد الصبح فضلت طول اليوم رايحه جايه في أوضتها متوتره لحد العصر..
داليا علفكرا قدامهم ساعه بالكتير هما قايلين هيجوا بدري عشان مش هيلحقوا يقعدوا كتير بعد الفطار عشان الطريق..
حبيبة طيب تعالي شوفيلي حاجه ألبسها أنا بجد مش لاقيه..
داليا طيب وريني عندك إيه! أممم حلو الفستان دا إلبسيه..
حبيبه يا رب بقي أنا تعبت أنا لسه مخدتش قرار..
داليا بقولك إيه إمشي ورا قلبك..
حبيبة اللي بيمشي ورا قلبه يبقي مچنون..
داليا معلشي أتجنني المره دي بس..دا شاريكي وبيحبك وعمال يسرع في معاد الفرحه..
حبيبه ايه!!!!!
داليا طب والله أنتي فرحانه وبتستعبطي أيوا كلم بابا وقاله أنه عاوز الفرح تاني يوم العيد..
حبيبة دا قالي أنه هيطلقني بعد العيد..
داليا أكيد كان بيجاريكي لحد ما تهدي وتفكري بس هو في كل الأحوال مش هيفرط فيكي..حبيبة لو أنتي متلغبطه ومش عارفه تاخدي قرار فحمزة عاقل وهادي و شكله فعلا واخد قرار وبيعرف يتصرف حطي ثقتك فيه وسيبيه هو ياخد القرار الصح..
داليا خرجت علي صوت حماتها بتناديلها وحبيبة فضلت مكانها بتفكر وخدت أكتر قرار متهور بالنسبالها...
بعد ساعه وصل حمزة لبيت حبيبة وأستقبلهم سامح ومحمد... 
حبيبة سمعت صوتهم برا فأتوترت وكأنهم جايين يتقدمولها... 
خرجت وسلمت عليهم وقعدت بهدوء جمب محمد.. 
حمزة بصلها وشاورلها بعينيه تقوم من جنبه بصتله پغضب وقامت دخلت أوضتها..
حبيبة هيشلني هيجلطني أقسم بالله...
دق باب الأوضة ودخل حمزة بصتله پصدمه وبصت برا...
حبيبة پصدمه يلهووي انت جيت هنا إزاي!!
حمزة استأذنت أني عاوز أتكلم معاكي..
حبيبة يادي الكسوف..
حمزة بضحك ليه بس دا انا قولتلهم انك ډخلتي هنا عشان عاوزانا نتكلم..
حبيبة لااااا منك لله يا حمزة حسبي الله ونعم الوكيل اللهي يا رب تت.... لا بلاش أنا صايمه..
حمزة خاېفه تدعي عليا صح
حبيبة إنت عاوز إيه بالظبط يا حمزة
حمزة عاوزك أنتي علفكرا..
حبيبة والله! أنت مش قولتلي هتطلقني..
حمزة عارفه العيل الصغير لما بيشبط في حاجه غلط و بنجاريه كدا علي ما يهدي ويقتنع أنها غلط..
حبيبة قصدك إن أنا طفله
حمزة لا قصدي أنك أقتنعتي..
حبيبة وعرفت إزاي
حمزة من الفستان الحلو دا أصل أنتي بتسرحي شعرك بالعافيه فكون أنك تلبسي الفستان الحلو دا علشان أنا جاي معناها أنك أقتنعتي..
حبيبة بإبتسامه بس في حاجه تانيه عاوزة أقولهالك..
حمزة حاجة إيه!!
حبيبة بعدت عنه خطوة وقلعت حجابها شعرها إتفرد ومكانش واصل كتفها حتي...
حمزة پصدمه اه يا مجنونه!
حبيبة يا رب تكون الرساله وصلت.. فاكر!!
فلاش باك..
حمزة لا متخلنش أقل أدبي وساعتها هتحبيني علفكرا..
حبيبة بقولك إيه أخرك هاته و لو شعره مني أتهزت يبقي.... هقص شعري..
حمزة بتحدي يبقي لحد رقبتك..
باك....
حمزة فاكر... بس عاوزك تعرفي إن إصراري عليكي مكانش عشان اكسب التحدي دا..
حبيبة طيب ليه!!
حمزة عشان للأسف أعجبت بلسانك الطويل أتعلقت بشعرك المنكوش وكمان عشان أنتي بنت شجاعه و أعترفتي بكل غلط حتي لو بينك وبين نفسك وحاولتي تصلحيه.. 
ومحمد دا إبن عمك مش أخوكي أبقي أشوفك قاعده جمبه تاني...
حبيبة بضحك دا أنت بتغير بقي..
حمزة بغير طبعا بس بلاش تحاولي تستفزيني من الجهه دي...
حبيبة بهدوء بص يا حمزة أنا لسه مش فاهمه اللي بمر بيه كل حاجه جت بسرعه أوي بس اللي حساه أني دلوقتي باخد قرار صح...
حمزة ربنا يجعلك خير الزوجة ليا ويجعلني خير الزوج ليكي..
حبيبة بإبتسامه أمين يا رب..
حمزة والفرح بعد العيد عشان خاطر عاوز أشوف أسر وعبد الرحمن..
حبيبة اطلع برا لم نفسك وأطلع برا يلا...
حمزة خرج وحبيبة وراه وهما الإتنين مبسوطين وناويين علي بداية جديده...
بعد شهرين ونص...
حمزة طب أنتي بټعيطي ليه دلوقتي..
حبيبة پبكاء خاېفه علي نورا أوي يا حمزة هي هتخرج أمتي أنا تعبت...
حمزة والله أنا كمان قلقان ان شاء الله تقوم بالسلامه...
حبيبة يا رب...
كانوا في المستشفي... الدكتورة خرجت بعد نص ساعه... جريوا كلهم عليها...
الدكتورة ألف مبروك جالكم بنت زي القمر والأم بخير متقلقوش الإتنين كويسين وهتنقل لأوضة عاديه...
حمزة الحمد لله يا رب...
بعد دقايق كانوا كلهم قاعدين في الأوضة مع نورا اللي ماسكه بنتها بتبصلها بحب كبير و جوزها جمبهم إبراهيم دخل من برا و بص لحبيبة بسعادة...
إبراهيم حسن فاق يا حبيبة..
حبيبة بسعادة بجد!!
حسن كان في نفس المستشفي جريت حبيبة بسرعه لأوضة أبوها لقته فاق وقاعد علي سريره والدكتور جمبه بيكشف عليه... 
جريت عليه وحضنته وفضلت ټعيط وهو حاضنها وبيربت علي ظهرها بهدوء..
حسن مين دي! حبيبة بنتي لا مش مصدق نفسي...
حبيبة أنا أسفه أنا أسفه علي كل حاجه..
حسن أنا مسامحك بس بشرط تصلحي غلطك وتروحي تعتذري لأحمد..
حبيبة بتوتر أحمد!
الدكتور بهدوء أستاذ حسن حضرتك ايه أخر حاجه فاكرها..
حسن بحزن لما بنتي أتطلقت..
الدكتور بص يا أستاذ حسن أنت في غيبوبه بقالك تلات شهور ونص..
حسن پصدمه ايه!!
إبراهيم أيوا يا حسن
وحبيبة أنا.. جوزتها لإبني.. حمزة..
حسن حمزة! أتجوزت! من غير أبوها..
مين قال كدا أبوها كان موجود طبعا..
بصوا لورا كان سامح ومعاه محمد كان وجودهم صدفه في المستشفي في ميعاد زيارتهم الاسبوعيه لحسن...
حسن سامح!!
سامح أنا اللي جوزتها وسلمتها لعريسها بنفسي يا حسن..
إبراهيم أنت لما وصيتني عليها أنا كنت عاوز أخليها بنتي بجد مش بمجرد وصايه علشان كدا أنا أصريت علي جوازها من حمزة...
حسن مبروك مبروك يا حبيبة يا رب تكوني أتعلمتي من غلطك..
حبيبة إتعلمت كتير يا بابا...
حسن ربنا يسعدك يا حبيبتي يا رب...
دخل حمزة الأوضة وسلم علي حسن و إبراهيم راح لنورا...
حسن خلي بالك منها يا حمزة...
حمزة عنيا دي في قلبي و روحي وكل....
حبيبة لا خف عشان بابا تعبان..
حسن ربنا يعينك يا أبني شد حيلك..
حمزة يا رب يا عمي إدعيلي ربنا يصبرني..
سامح يلا روحوا لأخت حمزة وسيبوني مع أخويا شوية..
حبيبة ماشي هروح لنورا يا بابا عشان لسه والده وهجيلك علطول...
خرج حمزة و حبيبة وراه مسكت إيده ف وقف وبصلها قربت منه وحضنته وبصتله بإبتسامه..
حبيبة أنا بحبك..
حمزة وأنا بحبك يا مجنونه...
تمت..
نهاية سعيده ...
آية محمد