ابويا اتجوز خالتي كاملة

وفضلوا يتكلموا اكتر من ساعتين وكل ما كان حد يدخل عليهم يقطعوا كلامهم .
بقيت محتارة مش عارفه اعمل اي واختي اسماء كانت عاوزة منه اي المفروض تعرف انه خلاص كده اختارني انا وخطبني انا .ويعدين هي لسه صغيرة وفي اولي ثانوي ليه تفكر في الخطوبة  دلوقتي 
وهي الدنيا اضيقت عليها مش لاقيه الا خطيبي وتبصله 
المهم عملت نفسي مش اعرف حاجه واتكلمت مع شادي عادي جدا في الفون وهو مش جاب سيرة موضوع اختي خالص .
ولما شوفت اسماء قولتلها عاوزين نروح عند خالي ابو شادي من فترة واحنا مش زورناهم .وسألتها هي اخر مرة زارتهم امتي لكنها دارت عني وقالت ان من زمان مش زارتهم لكنها اتهربت وقالت انها مش فاضية الايام دي تروح تزورهم علشان مذاكرتها .

موقف شادي كده بقه غامض اوي بالنسبالي .
الغريبة ان مرات بابا بعد ما كانت بتقابل شادي وحش راحت عندهم البيت واعتذرت له وطلبت منه انه يرجع يزورنا تاني .
وفعلا يوم الاجازة شادي جي البيت عندنا وخالتي  قابلته كويس جدا وبعد ما اتغدينا كلنا مع بعض دخلت اعمله قهوة لكنها قالتلي اقعدي انتي مع خطيبك وانا هعمله القهوة بتاعته .
لاحظت عليها انها بتتلفت و مش عاوزه حد يشوفها وهي بتعمله القهوة .
انا كنت مش فاهمه هي بتعمل كده ليه !!
لكنها وهي جايبه القهوة فجأة ظهرت بوسي مش عارفين ازاي وجريت مسكتها من رجلها فالقهوة وقعت من خالتي علي الارض .
خالتي بقيت هتتجنن ومسكت القطة وكانت عاوزة تدبحها بالسکين لكن انا وشادي مسكناها بالعافية عنها .
الاغرب من ظهور القطة بوسي المفاجئ هو اننا واحنا ماسكين خالتي علشان مش تدبحها كانت بوسي واقفة علي مسافة مننا وبتبص علينا وفجأة لقيت حاجه صدمتني.... !!!!!!!
يتبع
الرابع
الاغرب من ظهور القطة بوسي المفاجئ هو اننا واحنا ماسكين خالتي علشان تسيبها و مش تدبحها .
كانت بوسي واقفة علي مسافة مننا وبتبص علينا وفجأة نزلت الدموع من عنيها .ببص في عنين بوسي لقيت دموعها ډم !!!!!!!
مسكت بوسي وشيلتها علي ايدي ومسكت منديل ومسحت دموعها .علشان اعرف الډم ده منين .
معقول ده !! ده فعلا ډم في المنديل !! ببص في عنيها مش فيها اي اثر لچرح .
شادي مسك السکين من خالتي وقالها حرام عليكي يا عمتي بلاش تدبحيها دي مهما كانت روح .
دخلت انا  اعمل قهوة لشادي قالي بلاش قهوة خليها عصير لمون احسن يهدي اعصابنا بعد اللي حصل ده .
عملت لشادي العصير وقدمته له وقعدت وكنت ماسكة بوسي علي رجلي وخالتي بتبصلها نظرة توعد .والقطة كانت خاېفة منها اوي .
بعد شوية نزلت القطة من علي رجلي واتكلمت انا وشادي عليها مستغربين ازاي بتظهر فجأة وازاي بتختفي فجأة بدون تفسير والمفروض انها ماټت !!!!!!!
شوية حسينا برائحة دخان بصينا حوالينا في كل مكان في المطبخ مفيش اي دخان لكن فجأة ظهر الدخان من اوضة بابا وخالتي .
دخلنا الاوضة بسرعه شوفنا دولاب الهدوم  مولع ڼار .
حاولنا كلنا نطفي الڼار اكتر من عشر دقايق وكل ما نطفي الڼار من مكان تظهر في مكان تاني في الدولاب لحد ما انطفت الڼار  خالص .
بصينا لبعض كلنا مستغربين مش عارفين الڼار جت في الدولاب منين !!!
خرجنا الهدوم من الدولاب لكن العجيب ان هدوم خالتي كلها اتحرقت لكن هدوم بابا اللي في نفس الدولاب مش لمستها الڼار خالص .
خالتي قعدت تبكي علي هدومها اللي اتحرقت كلها .
لكن انا وشادي واخواتي كنا مستغربين اللي حصل !!! ازاي الدولاب اتحرق ومنين جت فيه الڼار !!! وليه هدوم خالتي بس هي اللي اتحرقت !!!!!!
شادي قال لخالتي خلي بالك بلاش تفكري ټأذي القطة علشان ممكن تكون هي اللي بتعمل كده .
خالتي قالتله ان اټجننت يا ابن اخويا ولا اي قطة اي اللي هتولع في الدولاب  
قالها اومال تفسري اللي حصل بأيه وليه هدومك انتي بالذات اللي اتحرقت انا سمعت كتير ان القطط بتكون مسكونة بارواح .
بعدها بابا رجع البيت وحكينا له اللي حصل .بابا كان مش مصدق كل كلامنا وقالنا اكيد في سبب للڼار دي وكان فاكر اننا بنكدب عليه .
في الليلة دي بابا دخل الحمام بالليل وهو في الحمام النور انقطع .خرج من الحمام ودخل الاوضة ينام ولما نام علي السرير اتفاجئ ان خالتي مش موجودة جنبه !! نادي عليها كتير ومش ردت عليه .
ولما النور رجع كان بيدور  علي خالتي في الشقة كلها ولكنه مش شافها في اي مكان .
بابا من ذهوله و خوفه صحانا كلنا من النوم .
كلنا كنا مذهولين !! خالتي راحت فين باب الشقة مقفول بالمفتاح والشبابيك كلها مقفوله .غير اننا ساكنين في دور عالي صعب حد يدخل او يخرج من الشقة .
اسماء اختي فضلت تبكي علي مامتها اللي اختفت فجأة بدون تفسير !!!!!
قعدنا لحد الصبح في ذهول وحيرة