حب من طرف واحد كامله بقلم هويدا زغلول

اتنهدت ليلي وردت عليها وقالت _
اومال حضرتك في المستقبل هتعملي ايه لما يبقي عندك بيبي واتنين وتلاته هتاكليهم ايه لعد مهتشحطتيهم معاكي من بلد لبلد هتسبيهم بمعده فاضيه..

كتم حازم ضحكته وردت سيلا بغيظ علي ليلي وقالت _
اكيد هتكون عندي شغاله تهتم بشغل البيت وطباخه تهتم بالاكل لاولادي..

ليلي بهدوء _
والله كل واحد وقلبه انا مقدرش اخلي ولادي ياكلو من ايد وحده غريبه ووحده تغسلم وتهتم بيهم اومال انا لازمتي ايه..

بصلها حازم باعجاب وقال بصوت واطي محدش سمعه غيرها..

حازم _
انتي جوهره لو ضاعت مني عمري ما هلاقي زيها...

ااصدمت من كلامه واتوترت جدا، لكتم هو ضحكته وقال _
هسكت عشان موتركيش اكتر...

الجده _
طيب انا همشي بقي، ومش هوصيك يا حازم بيه انك تخلي بالك من ليلي دي اللي بقيالي في الدنيا...

رد هليها حازم بكل جديه وقال _
متقلقيش يا تيته ليلي في عينيا والمكان كله ملكها..

اتنهد اسر وقال بضيق _
طيب يا تيته تعالي انا مروح هوصلك..

الجده _
ماشي يا حبيبي يلا بينا

_مشي اسر مع الجده وقعد حازم يشرح الشغل ليلي وكانت سيلا بتبصلهم وهي متغاظه جدا..

حازم _
كده انا فهمتك كل حاجه يا ليلي ودلوقتي هنزلك المطبخ..

سيلا بسرعه قامت وقالت _
استني يا حازم ممكن تخلي اي حد يوصلها لاني محتاجه اتكلم معاك ضروري...

رد عليها حازم بضيق وقال _
لا طبعا مش هينفع اي حد يوصلها تحت يا سيلا، لو في حاجه ضروري تقدري تستنيني فوق في المكتب وانا هخلص مع ليلي وابقي اجيلك ونشوف ايه الحاجه دي..

اتنهدت سيلا بضيق وقالت _
اوكي هستناك فوق متتاخرش..

_مشيت سيبلا واخد حازم ليلي معاه لتحت عشان يوريها المطبخ، وقالها..

خازم _
بصي انا عايزه المشرفه علي الكل تمام هتلاقي شيف ايطالي وواحد تركي والمساعدين انا عايز في كل اكله تتعمل الاقي اللمسه المصريه عشان ده مطعم مصري ولازم كل حاجه تبقي باحساس مصري..

ليلي بهدةء _
علي فكره سيلا ادايقت كنت ممكن تخلي حد يوصلني وانت ا..