رواية خطيبي اتجوز ماما بقلم هويدا زغلول

ساره _ كنت غلطانه لما فكرت اتخطب ل واحد زيك بكره تجيب اهلك وتيجي علشان ياخدوا باقي الذهب وبعدها خرجت وخرجت شروق
وراها

شروق _ ارجوك يا ساره تقفي وتسمعيني انا والله العظيم ما لازم بقى في اللي حصل ده ما اعرفش مين اصلا اللي قاله على الموضوع ده

ساره _ انا مصدقاكي يا شروق بس لو سمحت تسيبيني دلوقتي انا مش قادره اتكلم في اي حاجه
شروق _ طيب انا هوعدك اني هخرج من حياتي خالص بس ارجعي لخطيبك

ساره _ ارجوكي انا مش ناقصه اي كلام خالص سيبيني دلوقتي. بعدها راحت شروق
البيت وفتح ليها سامح

سامح_ معقول الحسن والجمال جاي متاخره امال فين ساره
شروق _ ارجوك اوعى من وشي انا مش قادره لاي كلام خالص وبعدها دخلت اوضتها وتلفونها رن
شروق _ الو ايوه مين معايا

مديحه _ انا ماما يا شروق عايزه اقولك ان خلاص مشكلتنا اتحلت يا حبيبتي ولو عايزه ترجعي ارجعي دلوقتي ما حدش هيقدر يغصبك على حاجه انتي مش عايزاها
شروق _ طيب والعريس اللي كان جايبه عمي يا ماما هنعمل فيه ايه

مديحه _ تعالي بس يا حبيبتي على العنوان انا هبعته ليكي على الوتساب ده وانت هتفهمي كل حاجه بس ارجوك تيجي بسرعه انا مش قادره ابعد عنك تاني

شروق _ اكيد يا ماما حاضر وبعدها
خرجت شروق وكانت ساره رجعت وعامله
تعيط مع مامتها والام قالت

الام _عبيطه يا بنت لو فكرتي تنزلي الدمعه واحده من عينيكي عليه ده انسان كلب ما يستاهلكيش، وقربت منها شروق وقالت
شروق _ والله يا ساره انا بعتذر لك على اللي حصل ده انا كان غصب عني انتي اللي صممتي ان اروح اشتغل معاه واوعدك ان همشي من هنا خلاص

سامح _ اه ماشيه دلوقتي بعد ما مشكلتك مع امك اتحلت مش كده انا سمعت كل حاجه بجد انتي انسانه واطيه
ساره _ بس يا سامح امشي يا شروق واخرجي من حياتنا خالص

الام _ الله يسهلك يا بنتي على اللي حصل لنا بسببك امشي من هنا وبعدها مشيت
وراحت شركه محمد

محمد _ خير ايه اللي جابك تاني بعد اللي حصل
شروق _ هو انت ازاي كده ازاي تضيع واحده زي ساره دي من ايدك دي انسانه كويسه جدا وبتحبك قوي

محمد _ ايه اللي حصل بقى مش خلاص هي نهايه الموضوع وهنروح بكره ناخد الذهب

شروق _ محمد انت باين عليك انسان كويس اوعى تسيبها دي بتحبك بجد
محمد _ وانت عايزه ايه بالظبط انا مش قادره افهمك انت اصلا مين عشان تيجيي وتقوليلي الكلام ده

شروق _ انا واحده بحب ساره جدا ومش عايزاك تسيبها لاني عارفه ان هي بتحبك هي كمان ارجوك تحاول تصالحها وتفهمها ان اللي حصل منك ده غلطه وعمرها ما هتتكرر
محمد _ انا عارف ساره عنيده وعمرها ما هتفكر ترجعلي تاني

شروق _ اللي انت عملته معايا مش سهل المفروض تتعب عشان تحاول ترجعها تاني اوعى تسيبها
محمد _ بجد انا بعتذر لك عن اللي حصل مني انا اسف والله انا مش انسان وحش بس انا مش عارفه انا عملت كده ازاي

شروق _ مش مهم انا دلوقتي المهم ساره لازم تروحلها بكره وتصالحها وترجعها ليك ثاني
محمد _ اكيد هعمل كده
وبعدها مشيت من عندو وهي مش عارفه توصل

للعنوان اللي امها اتدو ليها وبعدها وقفت
تك تك وركبت فيه

سواق _ ده طريق مختصر يا انسه علشان نوصل على طول وبعدها رش معطر في التك تك ونامت
شروق اول لما شمت ريحته ولما فاقت شافت
قدمها هشام

هشام _ ازيك يا حلوه عامله ايه معقوله انتي وامك تعملوا فيا كده بس مش مهم علشان اكسب من الناحيتين انا بعت امك مره ودلوقتي هبيعك انتي

شروق كانت بتحاول تفوق وقالت _ انا مش فاهمه منك حاجه وبعدين انت جبتني هنا ليه مش خلاص خدت اللي انت عايزه

هشام _ اه فعلا اخذته وهاخد ثاني اصل النهارده كتب كتابك يا عروسه كنت عامل ادور
ليكي على عريس مناسب وبرده كنت بدور عليك وبعدها دخل راجل كبير عنده 60 سنه وقال

حسين _ معقوله هي دي العروسه دي طلعت بدر منور انا هكتب عليها دلوقتي

وفي الوقت ده شروق قامت وقفت وقالت
شروق _ ارجوك اوعي تعمل كده يا عمي
حسين_ جرا اي يا هشام هي العروسه مش موافقه علي الجوازه ولا اي

هشام _ عيب عليك يا حسين بيه احنا مش عندنا بنات تقول رأيها الماذون جاي في الطريق
وهيكتب الكتاب، وفعلا الماذون راح
وكتب الكتاب