فرح للكاتبة ملك إبراهيم
ـ ايه يا شيخ فرحات ما تصلي علي النبي كده
رد الشيخ فرحات بابتسامة.
ـ عليه أفضل الصلاة والسلام
نظر اسلام اتجاه صابر وعماد وتحدث الى الشيخ فرحات بصوت منخفض.
ـ المهم دلوقتي يا شيخ فرحات ان الباشا موجود هنا في مهمة رسمية وانا متاكد ان الكلام الا برقوقه ده قاله كله كدب وافترى لان فرح بنت خالتي متربيه ويونس باشا عمره ما يعمل كده دا ابن ناس ومتربي ووزيــر
تحدث الشيخ فرحات بالايجاب.
ـ عندك حق يا اسلام، هو باين عليه فعلًا انه ابن ناس وانا عارف والمنطقة كلها عارفة اخلاق فرح بس احنا عايزين نلم الموضوع عشان محدش يجيب سيرتها بكلمة ودي اعراض وكمان نخلصها من صابر وتعرضه ليها كل يوم والتاني
حرك اسلام رأسه بالايجاب قائلًا.
ـ ويونس باشا هيتجوز فرح يا شيخ قدام كل الناس عشان يحافظ على سمعتها بس اهم حاجة انت وانت بتاخد البيانات بتاعه من بطاقته متخليش حد ياخد باله انه مش مصري، وموضوع انه وزير ده سر بينا
حرك الشيخ فرحات رأسه بالايجاب قائلًا.
ـ كل دي حاجات بسيطه يا اسلام المهم دلوقتي، هو مسلم ولا ديانته ايه؟
نظر اسلام الى الشيخ فرحات بصد@مة، لا يعلم حقًا ما هي ديانته.
همس اسلام بصد@مة.
ـ ينهار اســـود هو ممكن يطلع مش مسلم؟!
هب واقفًا من مكانه بصد@مة واتجه الى مكان يونس ووقف امامه ينظر اليه بصد@مة.
انهىٰ يونس حديثه بالهاتف واغلقه، اقترب من مندوب السفارة واعطاه الهاتف ثم نظر الى اسلام بدهشة قائلًا باللغة المصرية.
- نعم يا اسلام!، ليه بتبص عليا كدا؟!
توتر اسلام كثيرًا ثم تحدث بارتباك.
- هو انتــــــااا
ثم توقف عن الحديث لا يعلم ماذا يقول له، اخذ نفس عميق ثم تحدث بصوت منخفض.
