روايه ايه صوت الزغاريط كاملة هتعجبكم
-اووف وانت مالك يا عصام هو انت خلفتها ونستها....اما اقوم اكلم لميس
...........
روحت تاني يوم الشغل وعقلي واقف عمتي قالت لبابا عن زميلي اللي عايز يتجوزني واللي هو اصلا مش موجود ومش عارفة اجيبه من فين !!!!
قعدت علي مكتبي في الاستقبال وبدأت شغل
-طب صبحي حتي يا رورو
قالتها صاحبتي مريم اللي شغالة معايا في الاستقبال فقولت بتعب:
-مريم وحياة عيالك انا مش ناقصة
- لا وحياتك هيخطب
لطمت مريم وقالت:
-يالهووي اخص عليه الخاين هو هيلاقي احسن منك فين يعني الاعمي ده...متزعليش يا بت انا بكرة هجوزك سيد سيده ...الا قوليلي ناوي يخطب مين عرة الرجالة:
- لميس
- لميس مين ؟
فجأة شه-قت وقالت:
-اوعي تقولي..
قاطعتها وقلت:
-هي يا مريم لميس صاحبتي هتتجوز اللي انا بحبه...شفتي وجع اكتر من كده...هي عارفة اني بمoت فيه وراحتله...والبجحة تقولي انه مستحيل يبصلي واني مفروض افرحلها
- دي طلعت سهونة اوووي
-وفيه مصيبة اكبر
- يا ساتر ايه تاني
وحكيتلها عن كل حاجة...
بعد شوية حطت ايديها علي رأسها وقالت:
-هتتصرفي ازاي في المص-يبة دي...وهتجيبي العريس ده من فين
-معرفش يا مريم حاسه الدنيا ضيقة بيا خالص...انا عشان احفظ كرامتي كدبت.كدبه مش قدها وهتفضح
- ما عاش ولا كان اللي يفضحك يا وحش انا هتصرف
-ازاي بقا...
-هقولك !
........
بعد ما خلصنا ساعات الشغل مريم اخدتني علي الكافية وجابت خطيبها حسام معانا
- يا روما يا حبيبتي. بقالنا ساعة هنا وانتي وصاحبتك بتقولوا كلام غير مترابط وانا مش فاهم اي حاجة...معلش اشرحولي من الاول ايه المطلوب مني...
ومسك كوباية المية عشان يشرب
فاتكلمت بسرعة وتوتر وقولت:
