اسكربت زواج مؤقت كامل
نور اول ما شافته اتسعت عينيها لانه كان الشخص ده ابن عمها ( ادهم ) و كان مفهما أنه مسافر علشان يكون نفسه و يتجوزوا و هو شغال حارس عند حد فارس و بيشتغل الصبح شغلانة تانية و كان مش حابب يعرفها حاجة علشان ميقلش فى نظرها
ادهم : انتى بتعملى هنا ايه و ايه اللى انتى عملها فى نفسك ده
نور بتبصله و ساكتة و مش عارفة تقول ايه
ادهم بغض.ب : انطقيييييي
نور بخو.ف : هفهمك كل حاجة و الله العظيم مش زى ما انت فاهم خالص
و حكتله نور عن اتفاقها مع فارس و أنه دفع ليها تكاليف علاج والدتها مقابل أنها تعمل مراته لفترة و يطلقوا
ادهم: انتى ازاى تعملى كده ازاى
نور : يا ادهم ماما كانت محتاجة تعمل العملية و تعبت جدا الفترة الأخيرة و انا مش هقدر اشوفها كده و اسكت
ادهم : و قولتى اهو الحمار شغال فى سقاية و مش هيعرف حاجة بس شوفى ربنا و تدبيره يا ست نور
نور : و الله كنت هقولك بس ماما تعبت جدا بعد اذنك لازم امشى علشان محدش ياخد باله من حاجة
ادهم : استنى هنا فهمينى
نور : افهمك ايه
ادهم : يعنى ايه تمثلى انك مراته
نور : ايه اللى مش مفهوم
ادهم : يعنى هتباتى معاه فى مكان واحد اقصد
نور : معرفش لسه اى حاجة
ادهم : يعنى ايه متعرفيش اومال تعرفى ايه
نور بانهيار و دموعها على عينيها على حالها : معرفش يا ادهم معرفش
ادهم : يكون فى علمك أنا مش هسكت
فارس و هو راجع من باب الجنينة بعد ما رجع النور لقى نور واقفة مع ادهم
فارس راح عليهم
فارس موجه كلامه لنور : بتعملى هنا ايه
نور : اصل
ادهم بمقاطعة : نور هانم خافت لما النور قطع و لقيتها هنا و معرفتش ترجع و كنت هرجعها
فارس : ماشى روح شوف أنت شغلك
ادهم و هو بيبصلهم بغض.ب كامن و مشى
و رجع فارس و نور القصر و خلصت الحفلة
اسماعيل (جد فارس ) : الف مبروك يا ولاد يلا بقى اطلعوا اوضتكم تلايقوا عايزين ترتاحوا
فارس : أوضتنا ايه يا جدو هو احنا هنبات هنا انهاردة
اسماعيل: أيوة انتو هتعيشوا معايا كمان خلاص مش هتقعد لوحدك تانى و بعدين القصر كبير و انا قولت للخدم ينضفوا اوضتك الصبح
