رواية أجمل قصة حب للكاتبة ملك ابراهيم
عند هنا💛
هنا بتتكلم في التليفون مع دينا
هنا/ما انا مش عارفه اعمل ايه لازم اسافر معاهم انتي عارفه اني محتاجه الشغل ده عشان مصاريف الجامعه
دينا/معلش يا حبيبتي ده شغل وان شاء الله ربنا هيوفقك ماتقلقيش المهم قوليلي هو عمر المنياوي قمر كدا فعلا زي مابنشوفه في الصحف والمجلات
هنا بغضب/ قمرر ده انسان وقح وقليل الذوق وشايف نفسه مش عارفه علي ايه
دينا بهزار/ مش عارفه شايف نفسه علي ايه يا بنتي دي كل بنات العالم بيتمنو نظره منه
هنا/ ليه يعني بقولك ايه يادينا انا هقفل دلوقتي عشان الباب بيخبط
دينا/تمام ياقلبي بس ابقي طمنيني عليكي لما توصلوا
مازن/ صباااح الفل
هنا بأبتسامه رقيقه/صباح الخير
مازن/ جاهزه يلا بينا
هنا/ اه جاهزه اتفضل
في بيت عائلة المنياوي اكبر عائلات الصعيد
الجد منصور المنياوي/ انا مش مصدق نفسي اخيرا هشوف ابن الغالي بعد السنين ده كلها
الجده زينب المنياوي/ اومال انا اعمل ايه ياحاج حسه ان الوجع الا في قلبي كله خف من الفرحه وهشوف حته من سالم ابني
سلام عم عمر/ انا اول ما بعتله مرسال ما كدبش خبر وجه علي طول وجه الوقت بقا يا بويا يتم الاتفاق ولا ايه
الجد/سيبها لله يابني ربنا يعمل الا فيه الخير
بعد ساعات من وصول عمر لبيت جده وبعد سلامات وترحاب بعودة ابن الغالي كما يلقبونه
الجد / بص يا ابن الغالي احنا جهزنا اوضة الغالي هتنام فيها وضيوفك طلعو اوضهم ترتاح الليله دي والصبح ان شاء عايزك في موضوع مهم
عمر/انا تحت امرك ياجدي تصبحو علي خير
الجد/الجده /وانت من اهل الخير ياحبيبي
بعد طلوع عمر
الجده/مش كنت تستنا شويه ياحاج بلاش تفاتحه في الموضوع ده دلوقتي
الجد بتفكير/ هو ده الحل الوحيد عشان مايبعدش وينسا بلده واهله وناسه اكتر من كدا
الجده بقلق/ ربنا يستر
