زوجي...

وقامت جهاد وهي مدايقه جدا ولما طلعت لقيت حماتها مشيت ومعتز قالها..
معتز 
هي ماما زعلتك يا جهاد عشان موضوع الخلفه..
جهاد 
لا عادي يا حبيبي ولا يهمك. انا بعتبرها زي امي ومش بزعل منها
معتز 
حقك عليا يا حبيبتي بس هي معذوره برضو انا ابنها الوحيد وعايزها تشوف ولادي
جهاد 
انت لو عايزنا نروح لدكتور انا ما عنديش مشكله يا حبيبي..
معتز 
لا لا مش وقته الكلام ده احنا نصبر شويه وربنا يكرمنا ان شاء الله
جهاد 
ان شاء الله يا معتز انا هجهز فطار ونفطر سوا..
معتز 
لا انا ماما مستنياني تحت في العربيه هنروح نفطر انا وهي..

جهاد 
طيب وهي ما قعدتش ليه تفطر معانا هنا..
معتز 
هي حابه تفطر بره خلاص بقر براحتها يا حبيبتي..
جهاد بحزن 
عايزه تفطر بره ولا مش عايزه تفطر معايا انا...
معتز 
يووه بقي يا جهاد كبري دماغك بقي..
_ ونزل معتز وراح يفطر مع مامته وبعد كام يوم كانت جهاد عازمه حماتها علي العشا ووقفت قدام السفره وقالت لمعتز..
جهاد 
ها يا حبيبي ايه رئيك الاكل حلو كده ولا في حاجه ناقصه..
معتز 
لا كل حاجه تمام يا حبيبتي وانتي عامله حاجات كتير اهو..
الباب خبط ومعتز قال 
اهي جات هروح افتحلها وعشان خاطري مهما تقول ماما كبري دماغك وبلاش تزعلي منها..
جهاد 
حاضر يا حبيبي وان شاء الله مش هتحصل حاجه..
_وراح معتز فتح الباب لقي مامته واقفه ومعاها بنت تقريبا عندها 18 سنه وقالت..
فتحيه 
ها ايه رئيك في المفجأه دي يا

حبيبي..
معتز 
مفاجأةايه هي مين دي يا ماما..
فتحيه 
دي الشغاله الجديده بتاعتكم ادخلي يا حنان يلا..
_ودخلت فتحيه ومعاها الشغاله اللي راحت وقعدت في المطبخ وقعدو يتغدو وكانت جهاد مدايقه جدا..
فتحيه 
مالك يا مرات ابني هو انتي زعلانه عشان معزومه عندكم ما تشوف مراتك يا معتز..
معتز 
لا طبعا يا ماما جهاد ما تقصدش طيب دي اليوم كله واقفه علي رجلها عشان تعملك الاكل..
فتحيه
اممم اومال ليه بقي قالبه خلقتها عليا كده
جهاد 
يا طنط هو انو طلبت من حضرتك شغاله ما انا بيتي مظبطه الشغل بتاعه علي قدي
فتحيه 
الحق عليا اني عايزه اريحك عشان تفضي اجوزك وتهتمي بيه اكتر من كده..
جهاد 
هو يعني كان معتز اشتكالك يا طنط ولا ايه
فتحيه 
من غير