تسريب صورة لإعلامية شهيرة في مرحلة الجامعة.. هل تعرفت عليها؟
نشرت الفنانة فاطمة محمد علي، صورة نادرة لها برفقة الإعلامية منى الشاذلي أيام دراستهما في الجامعة وذلك من خلال حسابها الشخصي عبر موقع التواصل الاجتماعي “فيس بوك”.
وعلقت “فاطمة” على الصورة قائلة: “ناس كتير كلمتنى عايزين يشوفوا الصورة بتاعتى أنا ومنى الشاذلى لما كنا مع بعض في الجامعة.”
“مش هتصدق شكلها”.. صورة نادرة للإعلامية منى الشاذلي بالجامعة
وتابعت: “منى على اليمين وأنا بقي الشاطر فيكوا يطلعنى منها عشان أنا نفسي عرفتنى من بقية أصحابي.”
وظهرت منى الشاذلي في الصورة بملامح مختلفة تماما عما هي عليه الآن، الأمر الذي سبب صدمة للجمهور.
وفي وقت سابق، قالت منى الشاذلي عن زوجها: “اتعرفنا على بعض في إيطاليا وكانت البداية التقليدية لأي قصة حب ممتدة أنه متبقوش طايقين بعض في الأول، لا كنت بطيقه ولا هو كان طايقني.”
وتابعت: “السنادي بتم 25 سنة متزوجة من الشاب اللي حبيته، وأنا وهو متناقضين في كل حاجة، وهو مش رومانسي، هو حنون ورجل عائلة عظيم، لكنه راجل عملي، ومش بنزعل من الاختلاف بينا.”
وأضافت: “الحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير.”
تحدثت الإعلامية منى الشاذلي، عن أسرار كثيرة حول حياتها الشخصية، مشيرة إلى أنها عاشت في طبقة متوسطة.
وقالت منى الشاذلي، خلال تصريحات تليفزيونية: أنا بنت طبقة متوسطة وغير مدللة لا جسمانيًا ولا عاطفيًا، أبويا كان بيقول اخشوشنوا فإن النعم لا تدوم، وكلمة الكراهية صعبة في تكويني.
وأضافت منى الشاذلي: بشوف نفسي شخصية إيجابية ومش هخترع دنيا على مزاجي عشان أكون مرتاحة، واتعلمت من والدي الأخلاق، ومفيش حاجة تستاهل التفاخر سواء بالشكل أو العربيات، وفي رأيي أعظم بشړ في الدنيا هما اللي حققوا إيجابية مع اللي حواليهم.
