بابا وماما كان نفسهم يجيبوا بنت
انت في الصفحة 1 من 5 صفحات
بابا وماما كان نفسهم يجيبوا بنت
بابا وماما كان نفسهم يجيبوا بنت كان عندهم تلات ولاد وخلاص نسيوا الموضوع وفجأه ماما عرفت انها حامل وكان عندها ٤٥ سنه الدكتور خۏفها ان ممكن اطلع مشوهه او عندي اي اعاقه علشان سنها الكبير لكن سبحان الله اول ما اتولدت كل الناس اندهشت من جمالي وعلشان كده سموني جميله...
لما وصلت تالته ثانوي لقيت ماما داخله عليا بتقولي كلام غريب...
_جميله يا بنتي انتي ماشاء الله كبرتي وبقيتي عروسه وانا كمان كبرت واللي جاي من العمر مش قد اللي عدي اخواتك كلهم اتجوز ا
_ ايوه يا جميله طنط ام احمد جارتنا بتقول ابن عم احمد ابنها مهندس قد الدنيا وبيشتغل في الكويت وهي حكتله عن جمالك وادبك
_ ماما انتي بتهزري صح... انا لسه يا ماما بدرس
ماما مردتش عليا بس قعدت تبكي وكأنها بتقولي انا قربت اموت وعاوزه اطمن عليكي
كنت مكتئبه جدااا لحد ما جه المعاد وكانت المفاجأه......
جميله..... ولكن
اول لما دخلت الصالون كنت باصه في الأرض ومكشره وبدعي في سري اني معجبهوش
لقيت جارتنا ام احمد بتقول
_ بسم الله ماشاء الله تعالي يا جميله اقعدي جمبي شايف يا ياسر عروستك حلوه ازاي
انا بقى كان عندي فضول اعرف هو ليه العريس ساكت وياتري شكله ايه لقيت نفسي ببص بطرف عيني لقيته بيبص عليا نزلت عيني بسرعه
وكانوا بيتكلموا وانا مش سمعاهم اصلا
وفجأه سبونا لوحدنا ودخلوا التلاته جوه علشان نقعد لوحدنا شويه
_ انتي مكسوفه ليه اوووي كده
بصتله وانا بقول لا مافيش حاجه وأول لما عيني جت في عينه حسيت بحاجه غريبه حسيت اني اعرفه من زمان ابتسامته كانت ساحره لقيت قلبي بيدق ووشي احمر
واتلجلجت في الكلام مش عارفه ايه اللي حصل معقول احب حد من اول نظره معقول بعد ما كنت من دقايق بدعي اني معجبهوش بقيت بقول يا سلام لو يحبي او يشفني حلوه زي ماهما بيقولوا
________________________________________
قعد يسألني اسئله ويفتح معايا كلام وانا مكنتش برد غير بهز راسي او كلمات صغيره اه.... لا.... مش اوي
بعد شويه مامته وجارتنا وماما جم وقالوا ايه الاخبار
رد ياسر وقال
_ الظاهر ان دمي تقيل على جميله
_ماماليه بتقول كده يا بني بس هي جميله بتتكسف زياده
انا مكنتش عارفه اعمل ايه لقيت نفسي بقوم وبدخل جوه من غير اي كلام
بعد لما مشيوا لقيت ماما داخله عليا وبتحضني وبتقولي
_شفتي العريس حلو ازاي وكمان ماشاء الله مستواه المادي حلو جدااا
هو ده اللي انا حطمن عليكي معاه يا بنتي
_ بس
