رواية ظلمني من أحببت كاملة
---------- اذكروا الله -----------
بقي كدا يا يسر أتصل بيكي ومترديش لا انتي ولا خالتك يعني كنتي وخداني كبري عشان توصلي لـ جاسر وكنت أنا السبب في طلاق الاتنين ماشي يا بسر ماشي حسابك تقل أخلص بس من السفرية دي وهخلص القديم والجديد وهتبقي خراب على الكل
---------- اذكروا الله -----------
فريدة: مالك يا حنان ضاربة بوز كدا
حنان: مش عارفه انام من ساعة ما ظلمت البنت يا فريدة انتي ايه معندكيش قلب زمانها دلوقتي في الشارع طب لو مش عشانها يبقي عشان اللي في بطنها
فريدة: هششش الحطان ليها ودان تعالي معايا تعالي
و اخدتها على اوضيتها
- آه يا ولاد الكـ..ـلب صبركم عليا وحقها هجيبه من عيون الكل
فريدة: انا عاوزه أعرف بقي ايه مشكلتك ؟ معقدة الدنيا الدنيا ليه ؟ مكنتش عوزاها مرات ابني وطلقتها منه مش شايفه إن فيه مشكلة
حنان: بس مش بالطريقة دي مش نطلعها خا*ينه انتي مفكرتيش لو عرف ممكن يحصل ايه جاسر كانت روحه في أسيل مكنش يقدر يستغني عنها إحنا اللي قعدنا تخطط عشان نفرقهم البنت كل يوم تيجي تبصلي وتبكي يا فريدة مش قادره أسامح نفسي على اللي عملته فيها
فريدة: انسي أسيل انسيها خالص كأنها مكنتش في حياتنا.. غارت في ستين داهيه لا كانت من مستوانا ولا تفكرها زينا هي صحيح تعبتنا لحد ما خرجناها من حياة جاسر لكن على جثتي إنها ترجعله تاني
حنان سابتها ومشيت وضاميرها واجعها أوي ومش قادره تنسي منظر أسيل وإنها قبلت تشترك في الجر"يمة دي عشان خاطر بنتها
-------- اذكروا الله -----------
فؤاد: إلا قولي يا جاسر
جاسر: ايه يا فؤش محتاج حاجه
فؤاد: انت مطلقتش أسيل ليه لحد دلوقتي ؟
جاسر: وانت بتسأل ليه
فؤاد: سؤال عادي أصل متغرب إزاي بتقول خا.نتك وإزاي مطلقتهاش
جاسر بتنهيده: عشان خاطر عمتي الله يرحمها
فؤاد: مش فاهمك يا صحبي
جاسر: عمتي الله يرحمها وصتني قبل ما تموت إني اخلي بالي منها ومتخلاش عنها ولا أطلقها مهما حصل بينا كانت خايفة عليها لكن الو"سخة التانية مهمهاش سمعتها ولا سمعتي
فؤاد: اممم يعني مش عشان عندك شك إنها مظلومة ؟
جاسر: مظلومة ايه بس بقولك شايفها بعيني
فؤاد قام وقف وقال: للأسف يا صديقي انت خسرت كتير اسبوع واحد بس والحقيقة هتبان قدام عينك سلاام
فؤاد مشي وجاسر سرح وقال: معقول اكون ظلمتها؟ لا انا شفتها بعيني.. بس هي حاولت تبرر وانت مديتهاش فرصه
- اديها فرصة ليه مهي كل حاجه واضحة زي الشمس
- طب افرض كنت ظلمتها هتقبل ترجعلك تاني ؟ وقف عند السؤال دا ورجع بذاكرته لورا
فلاش باك
أسيل: جسوره
جاسر: بقي انا جاسر بيه رجل الأعمال يتقالي جسورة
أسيل: براحتي يا حبيبي انا أقول اللي أنا عوزاه
جاسر بضحك: ومين بشهدلك يا بشا كنتِ عاوزه إيه
أسيل: عاوزه أقولك إني بحبك أوي أوي أوي ومستحيل أبعد عندك ابدا
جاسر برومانسية: وانا بعشقك عيونك دي ونفسي تجبيلي عيال كتير أوي املي بيهم الفيلا دي
أسيل بسخرية: اه يا أخويا وخلي امك تطردني بيهم
جاسر: طول ما أنا عايش متشليش هم
أسيل بجدية: عندي سؤال
جاسر: اممم اسألي يا مغلباني
أسيل: لو في يوم حصل سوء تفاهم وكانت السبب فيه مامتك هتعمل ايه ؟
جاسر أنصدم من السؤال ولكنه جاوب بهدوء: مش هقدر أعمل حاجة صدقيني لأنها أمي وعمري ما أقدر اجي عليها عشان خاطر أي حد حتي لو كنتي انتي.. انا عارف إنها مش متقبلاكي ومزعلاكي علطول بس استحمليها عشان خاطري
أسيل بجدية: تمام يا جاسر انا نفسي طويل بس خد بالك انا مش بسامح بسهولة
جاسر عقد حواجبه وقال: مش فاهم
أسيل: يعني مامتك تتسبب في سوء تفاهم وانت تصدق عندي أي حاجه وتيجي تعتذر صدقني ممكن تقعد عمرك كله تعتذر ومش هسامحك برضوا
جاسر: يا ست ربنا ما يجيب زعل وبعدين دا إنتي قلبك أسود أوي
أسيل بضحك: مش أسود قد ما هي كرامة
جاسر فاق من شروده وقال بصد@مة: معقول ؟!
لا لا أكيد مدي مهرهها ليه مش هيوصل لكدا
لا ليه هو مش ياسر دا معرفت يسر بنت خالتك
و متنساش أنه كان زميل أسيل في الجامعة
جاسر انا معنتش فاهم حاجه بس لو أسيل طلعت مظلومة وكانت أمي فعلًا هي السبب ايه اللي هيحصل
و قعد يفتكر اللي حصل معاهم
فلاش باك
