رواية ظلمني من أحببت كاملة
------------ اذكروا الله -----------
حنان: زي ما بقولك كدا يا فريدة أخد جاسر وراح يشوف أخته الشحاته
فريدة: إنتي هتسكتي على المهزلة دي يا حنان لا انتي لازم تتصرفي بسرعة
حنان: هحاول صدقيني هعمل كل جهدي عشان افركش الجوازة دي
------------ اذكروا الله -----------
أسيل دخلت عليهم وهي شايلة الشاي وبتقول في سرها يلا نبدأ بقي أول خطه من خطط زينه محمود ألا وهي شو.ي الفخد.ة
جاسر جه وأسيل كانت ناويه تكمل باقي الخطة بس هتغير فيها شوية بدل ما ترش الشطه في عينه هتحطهاله في الشاي بس صعب عليها ورجعت عن اللي كانت عاوزه تعمله
جاسر: اسمعي يا أسيل زي إنتي عارفه إحنا مننفعش لبعض صح
أسيل بغباء: لا الصراحة انا مش عارفة حاجة بس كمل يمكن أفهم
جاسر نفخ بضيق وقال: انا وانتي مننفعش لبعض انتي من بيئة وانا من بيئة تانية
أسيل بغلاسه وهي بتتلكك أصلا: نهااار أسود انت بتشـ.ـتم يا إبن خالي مالها بيئتي بقي يا عنيا مش أحسن من بيئتك
جاسر بغيظ وهو متكي على سنانه: مش قاصدي يا أم جهل مش قصدي افهمي انتي من طبقة وانا من طبقه ويستحيل الطبقتين يمشوا مع بعض
أسيل بفم مفتوح ودموع مزيفة: انت بتعايرني عشان مش قد المقام اكمني وحدانية ويتيمه هتبيع وتشتري فيا وانا هبله مبعرفش أرد وكملت بردح مالها طبقتي يخويا مستوره والحمد لله على الأقل رضيين بقيلنا مش بنجري ومصعو*رين على القرش
جاسر بصد@مة: إحنا مصعو*رين على القرش ؟ لا دا انتي مشوفتيش ريحه الربا*ية بقي
أسيل: ينهارك مش فايت النهارده وانا اللي حايشة نفسي عنك بالعافية وقفت وحطت اديها في وسطها وبقت تهز كتفها وقالت: مين دي اللي مشافتش ريحه الربا*يه يا فار مش لاقي حجر.. يا ملوخية ضا..ربة رحيتها فا.يحة.. يا بلا.عة يقر.ق الناس منها.. دا انت كل يوم في حياتك فضـ*ـيحة.. دا الريحة فايحة والسحنه نا.يحة.. والدبان والنموس علطول في وشك وعجبي
جاسر واقف فاتح بوقه ومش فاهم حاجة مزهول من اللي بيحصل قدامة الكلمة الوحيدة اللي قالها: هي حصلت وعجبي
أسيل: انت مسمعتش اللي قبل عجبي نعيد تاني يعني وإلا ايه فطمني عشان استعد
جاسر برهزل: هي دي كمان فيها استعداد
أسيل: اه اومال ايه دا ليها استعدادات خاصة جدًا تحب تشوف احم احم
جاسر: بااااس يعني مهز*قاني وانا في بيتك ومش راضيه تفصلي تعرفي انا هتجوزك مخصوص عشان ار*بيكي من أول وجديد سلام
و مشي وهو متغاظ منها وبيتوعد ليها
أسيل: استني يا أسمك إيه معرفتش الطريقة ضر"بت اديها على جبينها وقالت بتزمر: مشي قبل ما أقوله الطريقة
ثريا دخلت عليها وقالت: هو ماله مشي واخد في وشه كدا ليه
أسيل: علمي علمك يا حاجة هو كان ماسك التلفون وفجأة قام مشي كدا
ثريا: يلا يا خبر النهارده بفلوس
قاطعتها أسيل وقالت: هيبقي بكره بفلوس برضوا يا حاجة
باااك
دمعه من أسيل نزلت وقالت: ربنا يرحمك يا أمي كنتي مهونه عليا أوي
-------- أذكروا الله -----------
جاسر قاعد مش طايق نفسه الباب خبط فقال بزعيق: قولت مش عاوز أشوف حد
- بس يا مستر فيه فاكس مهم جدًا لازم حضرتك تشوفه
جاسر بزعيق: إنتي هتعلميني شغلي وإلا ايه اسمعي اللي بقولك عليه وإلا اعتبري نفسك مرفوده
- وانا مالي ما إن شالله عنه ما شافه هو عمال يزعق ويشخط في الكل كدا ليه دا ايه الهنا إلا إحنا فيه دا يولاد وقعدت تخلص شغلها
جاسر قاعد مش طايق نفسه وكل تفكيره في أسيل وليه تعمل كدا هو لحد دلوقتي مش مصدق أنها تخو.نه من كتر تفكيره وقلت نومه بقي يتخيلها واقفة قدامه بتعيط
جاسر أول ما شافها كدا جري عليها ومسح دموعها وقال بدموع: إنتي اللي خلتيني أعمل كدا يا أسيل ومع ذالك أنا لسه بحبك
ليه عملتي كدا لييه ولسه هيقرب منها اختفت من قدامه بص الناحية التانية لقاها واقفة بقي يبص في كل مكان زي المجنون وكل مكان يتخيلها فيه لحد ما اتجنن خلص وبقي يز*عق بصوت عالي ويقول اخرجي من دماغي بقي اخرجي اخرجي وبيكسر في أي حاجه تقابله
جاسر: خيانه انتي خاينة ومع ذالك مش قادر انساكي لعنه وصابت قلبي بكرهك يا أسيل
-------- أذكروا الله -----------
يسر كانت قاعدة في شغلها واتفاجئت بـ ياسر قدامها وافق وبيقول: تعالي معايا عاوزك
يسر: مش وقته يا ياسر انا مشغولة أوي
ياسر: خمس دقايق مش هعطلك
يسر: قولتلك مشغولة
ياسر: تمام انا هخرج من هنا عند جاسر أقوله إن بنت خالته وصديقته المقربية هي السبب الرئيسي في اتهامه لمراته
قطعت كلامه وهي بتبص حوليها: هشششش وقامت اخدته وخرجت في مكان خالي وقالت: خير يا أستاذ ياسر
ياسر: بتهربي مني ليه وهتحددي معاد امتي اجي اخطبك فيه
يسر: وانت شايف اللي إحنا فيه دا يسمح بخطوبة أو حتي جواز وبصت حوليها وقالت: ياسر امشي دلوقتي وانا هبقي أكلمك
ياسر: همشي عشان معملكيش مشاكل بس عارفه لو متكلمتنيش
يسر:هكلمك صدقني
ياسر مشي ويسر تفت عليه وقالت: انا لازم أشوف ليك صرفه في أقرب وقت لازم أخلص منك خالص
