رواية ملاكي فهد وملاك كاملة بقلم رنا شريف
ملاك: هربت
فهد: نعم
ملاك: نعم ايه والله هربت
سيف من وراها: نعم هربتى ليه
ملاك: ابيه سيف حمدالله على السلامه
سيف: ملاك اتكلمى جد هربتى ليه
ملاك لفهد: أنا موافقه
فهد وسيف: على اي ؟!
ملاك: مش انت يا فهد قولتلى تتجوزنى أنا موافقة
سيف: مستحيل
ملاك: يعنى عاوزنى أوافق على سامح.
سيف: أنا كنت هغير واجى واقنع خالى ميكملش الجوازه دى بس انك تهربى وتتجوزى فهد لأ
فهد: أنا طلبتك من خالى ورفض
ملاك: أنا اتكلمت مع بابا ورفض وهو مصمم وانا مش موافقه
سيف: وليه هتتجوزى فهد
ملاك: هو عرض عليا نتجوز ويطلقنى بعدين بس اخلص من سامح ده.
سيف: ماشى موافق
فهد طلع موبايله واتصل على آدم
آدم: ايه يابنى أنا لسه سايبك
بقلمى/ رنا شريف
فهد: هات مأذون وتعالى وهات مالك معاك
آدم: ليه؟!
فهد: اسمع بس وتعالى بسرعه
آدم: ماشى جاى
منزل السيوفى
قاسم: بتصوتى كده ليه يا امينه ؟ وفين ملاك ؟
امينه: ملاك مش فوق لقيت الملايه مقطوعه ومربوطه وهربت
أميره: هربت يعنى ايه
قاسم: مش انتى كنتى معاها يا مها
مها: أيوة يا خالى بس هي قالتلى انزل أشوف المأذون وصل ولا لأ
سامح: وبعدين يعنى هنفضل واقفين كده
امينه: إحنا نكتب الكتاب وندور عليها
قاسم بغضب: انتى فى ايه ولا ايه، بنتى مش موجوده وده كل اللى شاغل بالك
اميره: تعالى يلا نروح ندور عليها
الكل خرج واتفضل سامح وامينه
سامح بغضب: عجبك كده مش دى فكرتك
امينه: وأنا أعرف منين انها هتعمل كده ولا بتكرهك بالطريقة دى
سامح: وبعدين هنعمل ايه ؟.
امينه: اكيد هترجع وتتجوزها
سامح: أما نشوف، خلينا نخرج بدل ما حد يتكلم
أمينه: يلا
بقلمى / رنا شريف
فى فيلا الصياد
المأذون: بارك الله لكما وبارك عليكما وجمع بينكما في خير
سيف: مبروك يا ملاك
ملاك: الله يبارك فيك يا أبيه وكمان بهمس قول ربنا يجعلها آخر الاحزان
سيف: مش عارف انتى بتهزرى ازاى
ملاك: وكنت عايزنى اوافق واتجوز سامح ده
سيف: لأ، خلاص اللى حصل حصل
آدم: مبروك يا صاحبى
