رواية ملاكي فهد وملاك كاملة بقلم رنا شريف
فهد: أنا عارف إنها هتوافق وبكره تشوف
ادم: لأ بكره ايه، قوم معايا على بيت مالك خلينى اعرف ردها دلوقتي
فهد: مش دلوقتي اكيد محتاجين يفضلوا مع ملاك شويه
آدم: بقولك ايه، أنا مصدقت انى أقول ل مالك متجيش انت ومراتك توقفوا حالى قوم يلا
فهد: يلا يا خويا خلى مالك يطردك
فهد وآدم خرجوا وراحوا ل بيت مالك
عند امينه
قاسم: قولتلك أكيد بيتهيألك يا امينه
امينه بخوف: والله كان فى حد هنا
قاسم: طيب اهدى كده وارتاحى شويه وانا مش هتأخر
أمينه: لأ أنا مش هفضل هنا لوحدى
قاسم: مش هتأخر متقلقيش يلا سلام
أمينه بخوف: سلام
قاسم مشى وامينه مسكت موبايلها واتصلت على أمجد وبعد شويه رد
أمجد: نعم
أمينه: انت لازم تخلص من فهد ده النهارده قبل بكره
أمجد: ليه ؟
أمينه: الحيوان بعت حد يقتلنى
أمجد بخبث: ايه. طب انتى كويسه ؟
أمينه: أنا كويسه
امجد: طيب متقلقيش أنا هكلم الباشا وابلغه وتسافرى هناك
أمينه: يا ريت بس بسرعه
امجد: ماشى سلام
امينه: سلام
فى فيلا الصياد
أميره: هو مفيش حد هنا ولا ايه يا حازم ؟
حازم: شكلهم خرجوا كلهم
اميره: وملاك وفهد ازاى خرجوا
حازم: مش عارف كلمى فهد كده
اميره: جربت بس مش بيرد
سيف: حمدالله على السلامه
حازم: الله يسلمك يا حبيبي فهد فين ومها وملاك ؟
سيف: فهد وملاك عند مالك ومها فى الكليه
اميره: وازاى يخرجوا وهما كده ؟
سيف: انتى عارفاهم الاتنين اعند من بعض ومحدش بيسمع الكلام المهم انا عايز اتكلم معاكوا فى موضوع مهم بقلمى، رنا شريف
حازم: خير يابنى
سيف: هتجوز
اميره بفرحه: بجد يا سيف
سيف: بجد
حازم: ومين دى يا سيف ؟
سيف: منه صاحبة ملاك
أميره: زين ما اخترت يا حبيبي
حازم: طيب إحنا هنطلبها من مين وهي ملهاش حد
سيف: من خالى قاسم طبعًا، هي عنده زى ملاك بالظبط وقبل ما تيجى الكليه هنا كانت عايشه معاهم
اميره بحزن: متنساش إن خالك مقاطعنا بعد اللى فهد عمله
سيف بتسرع: لأ م هو كان عا..................
حازم: ما تكمل فى ايه ؟
سيف: أقصد يعنى إن دى ملهاش دعوه ب دى
اميره بجديه: ملاك فين يا سيف هي وفهد ؟
سيف: عند مالك
اميره: ليه ؟
سيف: اصل مالك طلع اخوها
اميره بدهشه وصدم#مه: ايه، سعاد تبقى أم مالك
سيف: أيوة
حازم: أنا مش فاهم حاجه خالص، فهمنى بهدوء
سيف: ماشى،،،،، سيف قال ل حازم واميره اللى حصل و
اميره: وملاك عملت ايه ؟
سيف: هي كويسه وتقبلت الموضوع يعنى
حازم: أنا رايح الشركه ووقت ما فهد يرجع تبلغه انى عايزة
سيف: حاضر
فى باريس
_ ايه الأخبار
سامح: كله تمام أمجد قال ل امينه اللى حضرتك قولته
_ مش عايز غلط تانى
سامح: متقلقش يا باشا
_ كلم الرجاله قولهم ينفذوا النهارده
سامح: بس إحنا لو قتلناهم فهد وسيف مش هيسكتوا دول هيقلبوا علينا اكتر
_ نفذ من غير كلام كتير
سامح: أمرك يا باشا
عند مالك
