رواية قرار اجباري كاملة حتى الفصل الأخير
احمد قفل معاه
د/ حور: صدقني دا افضل حل ليك انك تبعد عن المكان اللي ليك فيه ذكريات مع سحر
عند سحر
افاقت سحر بخمول لتجد معتز نائم امامها علي الكرسي
سحر: يا كابتن انت يا استاذ
افاق معتز بفزع: سحر
سحر: انت تعرفني يا كابتن
معتز: انا معتز يا سحر انا جوزك وحبيبك واهلك وناسك
سحر: بس انا مش فاكراك معلش وحياتك نادي لي ماما
معتز: بس انتي مقطوعه من شجره
سحر بحده: انت هتستعبط هو انا عبيطه بقولك نادي لي ماما وبابا وسمر اختي واسلام ابن خالتي ناديهم لي
معتز: تب اهدي بس محدش فيهم موجود لاننا بعد ما اتجوزنا سافرنا هنا ل الرياض
معتز: انتي بتبرطمي تقولي ايه وبعدين في واحدة تكلم جوزها كدا
سحر: مش انا عملت
معتز: اااه
سحر بضحك: يبقي فيه هههههههه
سحر معقبه: وبعدين انا مش مقتنعه بحكايه جوزك دي تب انا جيت هنا ازاي تقريبا احنا في مستشفى
معتز بارتباك: اااه ما هو ااا عملنا حادثه انتي معايا وجينا المستشفى
سحر وهي بتحاول تقوم: ههههه شايفني مضروبه علي قفايا الا ايه عملنا حادثه وانت مفيش خربوش واحد في وشك وانا اللي جسمي كل مدغدغ انت عاقل يالا
معتز باستغراب: يالا
سحر: انا مش عارفه اقوم هو رجلي مالها
سحر: عاوزه اروح الحمام وعاوزه اشرب ارتحت
معتز: تب تعالي هسندك
سحر بحده: انت اتجننت روح اندهلي ممرضه ولا حد هنا
معتز: بس
سحر بحده: لا بس ولا بساتي خلاص كتك داهيه تاخدك
انا هتصرف بقولك الاول هات الفازه اللي جنبك دي كدا
معتز: ليه
سحر: شكلها عاجبني هاتها كدا بسرعه
معتز خدي يا ستي
سحر مسكتها وقامت كسرها علي دماغه
سحر: يالا خدت الشر وراحت
يتبع…
