رواية قرار اجباري كاملة حتى الفصل الأخير

في بعض الأحيان ناخد القرارات دون وعي أو شعور

ينتج عنها الكثير من الألم والأحزان 

في العربيه

ام سحر: شكلك تعبانه ارتاحي

اسلام: ايوا يا سحور سيبك والله ما يستاهل ضفرك دا راجل ابن

قاطعته سحر: أسلام متغلطش في أحمد 

ام سحر: حنيتي يا موكوسه من دلوقتى أمال لما تسافري هتعملي ايه دا طلقك علشان جيتي لي دا بيشك فيكي دا مبيحبكيش

قاطعتها سحر بصوت مخنوق: خلاص يا ماما 

لتضع رأسها وتتذكر حكايتها مع احمد من البدايه حتى الان

استووووووب

اسمي سحر عندي 24 سنه خريجه تجاره انجليزي وكنت بشتغل محاسبه في شركه وهناك اتعرفت على أحمد جوزي وحبيبي اللي اتعلقت بيه وحبيته وهو كمان حبيني وأتقدم لي ماما كانت رافضه بس بابا عارضها وكان رائيه من رائ وماما كانت شايفه ان انسب حد ليه اسلام ابن خالتي بس انا عمره ما شوفته غير أنه اخويا وبس وبعد عناء اتجوزت من أحمد بعدها بحوالي 3 شهور بابا وماما انفصلوا ورفضوا يقولوا السبب 

كنت خايفه ل يكون جوازي هو السبب بس مع كل يوم بيمر عليا وانا مع جوزي أحمد كان بيثبت لي أن اختياري في محله 

أحمد عمره ما زعلني وعمرنا ما اتخانقنا كنا متفاهمين لدرجه ان اي مشكله كانت بتحصل كان بيحلها بهدوء من غير خناق

لحد دلوقتى مش مصدقه انه طلقني والسبب اني روحت ل ماما لأنها قالت لي انها دايخه وتعبانه ومحتاجاني وبعتت اسلام ابن خالتي يوديني ليها بالعربيه ولما روحت اكتشفت انها كويسه بس كانت عاوزه تشوفني قبل ما تسافر. 

بس السؤال هنا هي ليه ما قالتليش من البدايه انها يتحضر نفسها ل السفر لييه دا انا مكنتش اعرف واتفاجات بكلامها 

تب واحمد ليه لما روحت لقيته متعصب وبيقول لي انتي طالق من غير حتى ما أتكلم كلمه ازاي 

ااه يا دماغي مش قادره افكر 

عوده 

مسكت رأسها بألم 

لتقاطعها امها: يالا يا سحر وصلنا 

لتنزل من العربيه واسلام يحمل اغراضهم ويتحدثون ولكن هي لم تكن معهم بل تفكر فيما تفعله: لحد دلوقتي مش قادره استوعب اللي بيحصل يمكن كان المفروض أفضل لغايه ما افهم ايه السبب أحمد عمره ما يشك فيا ااه اكيد في حاجه غلط انا لازم ارجع له دلوقتي حالا

لتقاطعها ام سحر: يالا يا سحر وقفتي ليه

سحر بجمود: انا مش هسافر 

ام سحر بصدم#مه: ايه

اسلام بحده: نعم

سحر بحده ودموع: اللي سمعتوه

لتتركهم وتذهب ومعها شنطتها الصغيره التي كانت تحملها

اسلام جرى وراها: استنى يا سحر استنى 

لم ترد عليه بل ركبت عربيه ومشيت 

ام سحر: لحقتها 

اسلام: لاااا بعد كل اللي عملناه

قاطعته أم سحر: أخرس خالص اطلع قدامي 

اسلام: على فين والطياره 

أم سحر بخبث: اتلغت يا روح امك قدامي