حب خارج ارداتي
مراد : قلقان من اللي هيحصل مع غرام بعد كده عشان حامل وشريف بيقولك انه عايز يتجوزها كل دي حاجات انا فاهمها كويس
عز : انا مش عارف اي اللي جرالي بس انا .. انا خايف انا بقيت بخاف يامراد او ..
مراد : او ايه ياعز قول
عز : او خايف الشك يدخل في قلبي ناحيه شريف وقتها ضهرى هيتكسر ومش هيبقالي ضهر شريف ده ضهرى يامراد من وقت ما قالي انه عاوز يتجوزها وانا بحاول اقنع نفسي انه قال كده بس عشان يحل المشكله بس انا مش عبيط انا شوفت حب شريف لغرام بحاول اكدب نفسي بس مش عارف يامراد مش قادر
مراد : اي ياعم الكلام اللي انت بتقوله ده اتعذ بالله من الشيطان ده شيطان بيوسوس في دماغك مش اكتر بس شريف مايعملش حاجه تأذيك ياعز
مراد : طيب انت قولت لغرام انك بتحبها
عز : مش قادر .. مش قادر اقولها الا لما تنزل اللي في بطنها وكمان لما اتاكد انها مش في بال شريف
بقلمي مآآهي آآحمد
مراد : اول مره في حياتي اشوفك ضعيف ياعز ومش عارف تتصرف في مشكله
عز : انا اول مره في حياتي اضعف يامراد وممكن دي الحاجه اللي مخلياني ابقي جاف مع غرام كنت خايف .. خايف اضعف قدامها بس غرام غيرهم كلهم غير اي ست عرفتها وشوفتها قبل كده هي عملت اللي مافيش ست في الدنيا قدرت تعمله
مراد : عملت اي ياعز
عز : خلتني احبها يامراد ودي حاجه عمرى ما كنت في يوم اتخيل انها تحصل
عز ضحك اللي هو ههه
مراد : ربنا يسعدك ياصحبي
( تاني يوم )
غرام كانت نايمه وسمعت الباب بيتفتح خافت لا مراد وعز يكونوا خارجين عشان الصفقه قامت بسرعه ونادت علي عز
غرام : عز .. عز .. انت رايح فين
عز : اول مره تسأليني السؤال ده يعني ياغرام بس ليه
غرام : ( بتوتر ) ابدا .. ما .. مافيش بسأل
عز : في حاجه ياغرام
غرام : ممم اه .. اه فيه .. هو .. احنا مش هانروح عشان ننزل البيبي
عز : دلوقتي ياغرام
غرام : اي المشكله
عز : غرام مش وقته انا مستعجل
غرام : طيب خودني معاك ياعز
عز : اخدك معايا فين
عز : انا رايح اتفق علي صفقه بخصوص الشغل هخدك معايا ازاي
مراد : اي اللي بتقوليه ده ياغرام 🙂
غرام : طيب .. طيب خلاص انا هدخل وخللي بالك علي نفسك ياعز
عز : حاضر هخلي بالي من نفسي مش عايزه حاجه اجيبهالك معايا
شريف فتح باب اوضته وهو بيعدل الياقه بتاعته
شريف: خودني معاك ياعز
مراد : هو في اي ياجماعه النهارده
شريف: معلش لازم اروح معاكم عايز انزل وسط البلد محتاج اشم شويه هوا
عز فهم ان شريف مش عايز يقعد في البيت وهو مش موجود
مراد : طيب يلا تعالي معانا
شريف ومراد وعز مشيوا وغرام قفلت الباب وبقت مش عارفه تعمل اي اختها في ايد المنفلوطي وعز لو اتفق علي الصفقه اختها ممكن تروح فيها وبقت ما بين نارين
شريف: بببببببس نزلني انا هنا
عز : هنخلص وهتصل بيك عشان نروح سوا
شريف: تمام يااخويا
مراد : شوفت شريف بقي اطمن ياعز من ناحيه شريف
عز : ابتسم تفتكر سمعنا امبارح واحنا بنتكلم
مراد : يا اخي اكيد لاء طبعا هو حافظك زي ما انت حافظه بالظبط
مراد وعز راحوا عشان يتفقوا علي الصفقه بتاعت السـ،ـلاح
صاحب الصفقه : اهلا .. وسهلا
مراد : اي ده انت بتتكلم عربي
صاحب الصفقه: انا بتكلم ٢٤ لغه من كتر تعاملي مع ناس كتير مراااد : ٢٤ لغه مره واحده
عز : مراااااد مش هندخل في الموضوع ولا اي
مرااد : ماشي
شاهد أيضًا
صاحب الصفقه : تمام اللي تشوفوه
عز : اومال انت عايز ايه
صاحب الصفقه: هبدلهم بقطع اثار من بلدك لو قدرت تجيبلي قطعه الاثار دي اعتبر ان الصفقه تمت
عز : انت بتقول اي
صاحب الصفقه: ده اللي اتفاق عشان نبدل الصفقه
عز : ( بنرفزه ) بس انت مفهمتناش كده قبل ما نيجي
صاحب الصفقه: مش مهم انا كل واحد طلب مني صفقه السـ،ـلاح دي طلبت منه حاجه في مقابلها واللي هيعرف يجيبلي اللي انا عايزه الاول هو اللي هيفوز بالصفقه انت عارف كميه السـ،ـلاح اللي في الصفقه دي هيخليك تدوس علي اللي قدامك وخصوصا اني جاتلي اخبار انك عايز تاكل السوق وخصوصا جابر المنفلوطي اللي حاطط صباعك تحت درسه وانا عارف ومتأكد. انك ذكي وهتبقي اعلي منه جابر المنفلوطي كبر وبقي يخرف وكمان خايف منك ففكر ورد عليا
عز : من غير تفكير انا مش موافق
مراد : عزز استني شويه
عز : استني انت انا ماشي ( عز مشي )
مراد : احنا متأسفين جدا بس ارجوك ماتزعلش من كلام عز واحنا اكيد هنرد عليك
بصاحب الصفقه: وانا منتظر منكم الرد
