حب خارج ارداتي
مراد بيمد عشان يلحق عز
مراد : عز .. ياعز استني بس
عز : عايز اي يامراد
مراد : انا مش فاهم في ايه انت كده ممكن تضيع مننا الصفقه
عز : انت عارف هو بيطلب مننا ايه
مراد : وايه المشكله انا مش شايف فيها مشكله انت محسسني ان احنا بنشتغل مصلح اجتماعي اي المشكله ان احنا نجيبلهم قطع الاثار اللي هما عايزينها
عز : انت بتقول اي لاء طبعا وبعدين انت عارف كويس ان احنا كنا هنبيع السـ،ـلاح ده لمين لو كنا اخدناه
مراد : عز دي فرصتنا الوحيده
عز : برضوا لاء يامراد قولت لاء
غرام كانت قاعده ولا علي حامي ولا علي بارد خايفه جدا من ان عز يكون اتفق خلاص علي الصفقه وكل شويه تفتكر اختها وهي في الفيديو وخايفه يجرالها نفس اللي حصل ليها
غرام : ايه .. لا .. لا ابدا مافيش يا ولاء
ايمان : ولاء مين ولاء دي
غرام : اسفه دي اختي
ايمان : اللي كنتي بتكلميها في التليفون
غرام : اه .. اه بالظبط كده
ايمان بصت كده باستغراب لغرام وابتدت تشك فيها هي امبارح سمعتها بتكلم راجل في التليفون مكانتش بتكلم بنت .
افتكرته باباها بس دلوقتي بتقول انها بتكلم اختها
استغربت وسكتت
( علي بالليل )
شريف ومراد وعز رجعوا البيت
غرام شافت مراد وعز وكانت عايزه تعرف عملوا ايه بس مكانتش عارفه تجيبها ازاي
عز : اعملوا حسابكم هنرجع بكره القاهره
غرام : ( في نفسها ) بس يبقي اتفقوا علي الصفقه طالما هنرجع
عز بص لشريف وهو اصلا كان مضايق من اللي حصل في الصفقه
عز : مش شغلك انا عارف انا بعمل اي
شريف اتحرج
شريف : طيب اذستأذنكم انا
مراد : مكانش في داعي انك تحرجه ياعز
بقلمي مآآهي آآحمد
عز : ( بص لمراد بزهق ) انا داخل اوضتي
غرام : هو في اي عز ماله يامراد
مراد : مافيش حاجه
غرام : ازاي بقي ده راجع مضايق جدا
مراد : مافيش صفقه الشغل ماتمتش اللي كنا هنتفق عليها
غرام : ( اتنهدت وغمضت عنيها وقالت في نفسها )
غرام : الحمدلله يارب
غرام دخلت اليوم ده في اوضتها وهي مبسوطه جدا وبعتت رساله لجابر المنفلوطي ان الصفقه ماتمتش وبعدها بشويه بعتلها مسيج انها لازم لما ترجع مصر تجيب المستندات اللي في خزنه عز وتتعاون مع الرائد مروه عشان تدخله السجن
وتاني يوم اخيرا نزلوا علي مصر
عم حسين طلع بسرعه ياخد الشنط من عز وشريف هو ومحمود ابنه
عم حسين: البلد كانت وح،ـشه من غيركم والله
غرام : تسلم ياراجل ياطيب
غرام اخدت شنطتها
محمود : سيبي شنطتك ياست غرام انا هطلعهالك
غرام : لاء انا مش هدخل معاهم
شريف بص كده لغرام وبعدها ودا وشه الناحيه التانيه
عز : يعني اي اللي بتقوليه ده ياغرام
عز : ( بنرفزه ) ادخلي ياغرام بلاش كلام فارغ
غرام : ده مش كلام فارغ انت مطلقني ياعز
عز : هردك ياغرام عايزه حاجه تاني
غرام : لما تبقي تردني يبقي لينا كلام تاني مع بعض
عز اتغاظ جدا من غرام وضم ايده وداس علي سنانه
عز : مابحبش اكرر كلامي مرتين انتي فاهمه 😡
غرام : فاهمه .. فاهمه بس علي الاقل
عز : ( بزعيق) علي الاقل ايييييييه
غرام : ( بتوتر ) علي الاقل يعني اقعد في الاوضه اللي كنت قاعده فيها
عز : ( بنرفزه ) ادخلي واقعدي في المكان اللي يريحك
غرام اخدت شنطتها ورجعت تاني في الاوضه اللي تحت
ماطلعتش منها وعماله تفكر هتقول لعز ازاي ان البيبي نزل كانت خايفه جدا لا ياخدها في اي وقت والدكتور يقولوا انها مش حامل اصلا
