رواية أجمل قصة حب للكاتبة ملك ابراهيم

بعد يومين 
وصلت سرين ايطاليا واتجهت الي منزل عمر مباشرة
استقبالتها كرولين وحكت لها كل شئ حدث بالتفصيل 
سرين / وعمر فين دلوقتي
كرولين / عمر كان منهار جدا وقالي انه محتاج يقعد في مكان هادى يومين كدا عشان يراجع نفسه

نظرت لها سرين برفع حاجبها
سرين / يراجع نفسه في ايه بالظبط هو بيفكر يرجع هنا تاني
ردت عليها كرولين وهي منزعجه من هذه الفكره
كرولين / لا طبعا عمر مستحيل يرجعها تاني وانا مش هسمح بده يحصل ابدا انا مش ممكن اقبل زوجه لأبني غيرك سرين

فرحت سرين جدا من دعم كرولين لها
سرين / بجد يا كوكي انتي اكتر حد بحبه في الدنيا دي ربنا يخليكي ليا

سافرت هنا الي امريكا واتجه بها خالد الي منزل صديقته 🌸 نادين 🌸
نادين دكتوره بالجامعه بنت رائعه ذكيه جدا تعشق العلم والعمل وتعيش بمفردها وعندما علمت بمشكلة هنا لم تتردد لحظه واحده في مساعدتها

تحدث خالد وهو يطلب منها مساعدته في ادخال هنا الجامعه لتكمل دراستها وتحصل علي شهادة الهندسه من اكبر جامعه بالعالم وأكمل حديثه وهو يأكد لها بأنه مستعد لفعل اي شئ ودفع اي مبلغ في سبيل دخول هنا الجامعه

خالد/ انا مستعد اعمل اي حاجه واجيب اي ورق وادفع اي مبلغ بس المهم هنا تكمل انهاء دراستها هنا

تحدثت اليه نادين بأسف
نادين / هيبقى صعب اوي للأسف 
خالد / مفيش حاجه صعبه يا نادين احنا هندفع اي مبلغ يطلبوه وجاهزين بأي ورق يحتجوه 
نظرت نادين الي هنا وهي تبتسم لها بود
نادين / انا هعمل كل الا اقدر عليه واساعدها
خالد / وانا ممكن اكلم اي حد مسؤل يساعدنا 
نادين / هيكون كويس تمام
تحدث خالد وهو يقف من مكانه ويوجه كلامه لي هنا 
خالد / انا هكون قريب منكم هحجز غرفه في اوتيل قريب من هنا لحد ما ننهي موضوع الجامعه ده

هنا / انا عمري ما هنسى وقفتك معايا ابدا

ابتسم لها خالد بحب ثم ذهب

ابتسمت لها نادين وهي تأكد لها بشئ

نادين / علي فكره شكلك غاليه اوي عند خالد
نظرت لها هنا وتحدثت بحب

هنا / وهو كمان بقى غالي عندي جد