رواية جوزوني عجوز (كامله جميع الفصول) بقلم هويدا زغلول
انت في الصفحة 1 من 9 صفحات
جوزوني عجوز
الحلقه الاولي
بقلم هويدا زغلول
مصطفي _ انتي اللي وفقتي تتجوزي واحد
ندي _ بس حرام مش كافيه متجوزاك وانت
اكبر مني ب 40 سنه عالطول سايبني لوحدي
عندي عندي 20 سنه وفي يوم كنت راجعه
من الكليه ولقيت ماما بتقولي
دي خلاص مافيش تعليم تاني انتي من هنا
ورايح مش هتخرجي من البيت الا هلي بيت
ندي _ جوزي مين يا ماما هو انت عايزه تتجوزيني دلوقتي طيب ازاي
الام _ زي الناس يا عينيا المعلم مصطفى جه وطلب ايدك مني وانا وافقت
الام _ ومين اللي قالك يا عين امك انه عايز يخطبك لابنه ده هو اللي عايز يتجوزك اعملي
ندي _ ازاي يعني انا مش موافقه علي الكلام
ده
الام _ مبقاش بمزاجك يا نن عين امك
انا خلاص وافقت والفرح الاسبوع الجاي
زي ما قولت وفي الوقت ده لقيت بابا
خرج وقال
الاب _ ما تسمعي كلام امك يا ندي ده
العريس جايب ليكي هدايا كتير اوي
جوا ادخلي شوفيها
ندي _ هو انتو اي كل حاجه عندكم الفلوس
وبس حرام عليكم والله
الام _ حرمه عليكي عيشتك يا بعيده انتي
اي لا بت انتي فاكره أن محدش
هيكون ليه كلمه عليكي ولا اي
وبعدها دخلت الاوضه وفضلت اعيط ورنيت
علي اسلام اللي عايز يتجوزني
اسلام _ بنت حلال والله انا كنت لسه هتصل بيكي علشان اقولك لازم نخرج النهارده ايه ده مال صوتك في ايه
ندي _ اسلام انا موافقه اهرب معاك ونتجوز انا مش عايزه اقعد هنا دقيقه واحده بابا عايز يجوزني واحد اكبر مني بكتير
اسلام _وانت شايفه ان ده الحل لا طبعا اه في قدامهم وقوليلهم انك مش موافقه
ندي _ مش هقدر يا اسلام انت عارف ان انا مش بقدر اقولهم لا ارجوك انا موافقه اتجوزك على اي وضع بس خلينا نمشي من هنا ونتجوز
اسلام _ وانا لا يمكن اكون الشخص الجبان اللي يعمل كده يا ندى لا طبعا مش موافق
ندي _ يعني انت كده بتتخلي بيا صح
اسلام _ بلاش تاخديها من الموضوع ده
انا عمري ما اقدر اعيش من غيرك بس انا
عندي اخوات بنات وعمري ما اقبل ان واحده فيهم تعمل كده
ندي _ بس اعمل حسابك لو انت ما وافقتش ان انا نهرب ونتجوز انت مش هتشوفني تاني
اسلام _ مشكلتك انك انسانه ج-بانه بتحبي تحلي مشاكلك بالهروب
ندي _ خلاص مش عايزه اسمع صوتك تاني ابعد
