قصة العروسة المظلومة
اما فارس ما حبيته لانه ما اعطاني مجال احبه... بس فكرة انه مره تشاركني فيه كانت بتقتلني... ومن نظراته كان واضح جدًا انه دايب فيها...
ومرت شهرين وهو يصد كل محاولاتي... وشوي شوي صار هو وبنت عمه ( ريم) امورهم ترجع لمجاريها... وصار يا هو عندهم يا هي عند اهله... وانا من جوة بتقطع...
بعد شهرين من زواجنا قرروا يعلنوا الطامة الكبرى بالعيلة (انهم رجعو لبعض )وبدهم يتزوجوا طيب وانا... اهلي كانوا مصدومين وبهدلوهم لعدم توازنهم... بس كأنهم الهم تلتين الخاطر... طيب وانا... انا شو رح يصير فييا...
رحت عند اهلي وقعدت مع بابا قلتله انا بدي اتطلق... وانا اصلا بنت بنوت... ما لمسني... وبابا ما رضي...(ما عنده بنات للطلاق ) مع انه عندي اخت مطلقة ومعاها ولاد...ماما بهدلتني
وقالتلي: شو بدك بالراجل... انتي موش شايفة عيشتك شايفة بيتك...شايفة السيارة اللي اجيتي فيها... شو بدك بالراجل ة؟!... اهو عندك ابوكي طلع راجل .. بس معيشني بذل..و اختك تزوجت راجل طلقها ورماها بولولادها .... اذا بتفكري بالطلاق اعتبريني غضبانه عليكي ليوم الدين...
روحت عالبيت منهانه اكتر.. ودبلت اكتر... والضحكة اللي ما كانت تفارقني بطلت اطلعها الا بالغصب.... وخلال اسبوع عفش شقة ليهم بنفس الشارع.... وكانوا مأجرينو وانا حسيت الارض بدها تنشق وتبلعني... قعدوا معايا حماتي وحماي...
قلتلهم: بدي اتطلق...
قالتلي حماتي: يا حبيبتي... ما تخربي بيتك بكرا بينصلح وبيرجعلك... هو بحب ريم من هما وصغار وبالاساس هو كان هيتزوجها...وكنا عارفين انه راح يرجعو عاجلا ام اجلا... عشان هيك رفضنا يتزوجك بس هو ركب راسه...
بعد بشهر كان فرحو... يعني انا عروسه من ثلاث شهور وجوزي يتزوج علي😏... قبل الفرح بيوم... عملت شعري وقصيته لعند وداني وانا مقهورة وبعيط وموجوعة... ولما نزل شعري عالارض حسيت انه هم وانزاح... ورحت عالصالون صبغت شعري اشقر... وعملتلي قصة... واشتريت احلى فستان... وتاني يوم بالعرس الكل تفاجئ باللوك الجديد... ورقصت بعرسه لحد ما انهلكت وانا قلبي بيتقطع من جوا.. ومر الفرح ع خير...
