قصة العروسة المظلومة

و مر شهرين... وهو ولا يوم واحد مر علييا... ولا حتى سأل عني... طبعًا راحو شهر عسل عالمالديف ( عشر ايام )... ولما رجعو كان يظل عند دار عمي هو وعروسته... ولما يجي انا اطلع فوق اطق من الزهق...

بعد شهرين طلعت لانا عندي... وبتوكلني قطعه حلوي ... عشان ريم حامل... هون كانت الصاعقة اللي قسمت ظهري نصين... يعني هو طبيعي بس هو ما بده اياني...

ريم دخلوها المستشفى اول التاسع ولاده مستعجلة قيصري لانه صابتها صدمة تحسسية...ودخلت غرفة العمليات... انا وقتها ما اهتميت ابدًا... وكنت بدرس ببيتي وكل العيلة بالمستشفى...

طلع الدكتور من غرفة العمليات... ومعاه اسوء خبر... البنت بخير... بس ريم ما قدروا ينقذوها للاسف... انهار فارس... وانهارت معه كل احلامه كل مستقبله كل اللي مخططله... وصار العزا وكانت البنوتة بالحضانه...